سوڭعى بىرنەشە كۇن قاتارىنان اقش پرەزيدەنتى دونالد ترامپتىڭ كوروناۆيرۋسقا تاپسىرعان تەست سىنامالارى تەرىس ناتيجە كورسەتتى, دەپ حابارلايدى Egemen.kz تاسس اگەنتتىگىنە سىلتەمە جاساپ.
"پرەزيدەنتتىڭ COVID-19-عا قاتىستى تاپسىرعان تەست سىنامالارى بىرنەشە كۇن قاتارىنان تەرىس بولدى", - دەلىنگەن اق ءۇيدىڭ ءباسپاسوز قىزمەتى تاراتقان حابارلامادا.
امەريكالىق كوشباسشىنىڭ دارىگەرى شون كونلي پرەزيدەنتتىڭ ءدال قاي كۇندەرى تەست تاپسىرعانىن كورسەتپەگەن. دارىگەر اتاپ وتكەندەي, ترامپتىڭ سوڭعى زەرتتەۋ ناتيجەلەرى تەرىس شىققاندىقتان, قازىر ونىڭ اينالاسىنداعىلارعا ىندەتتى جۇقتىرۋ قاۋپى جوق.
ەسكە سالا كەتەيىك, 2 قازاندا اقش پرەزيدەنتى دونالد ترامپ جانە ونىڭ ايەلى مەلانيا كوروناۆيرۋس جۇقتىردى. پرەزيدەنتتىڭ ىندەتتەن ەمدەلۋىنە 100 مىڭ دوللاردان اسا قاراجات كەتكەن.