سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى قازاقستان رەسپۋبليكاسىنىڭ سالىق كودەكسى سالىق سالۋدىڭ نەگىز قۇراۋشى قاعيداتتارىن بەلگىلەيدى, سالىقتاردى جانە بيۋدجەتكە تولەنەتىن باسقا دا مىندەتتى تولەمدەردى بەلگىلەۋ, ەنگىزۋ, وزگەرتۋ, ولاردىڭ كۇشىن جويۋ, ەسەپتەۋ مەن تولەۋ ءتارتىبى جونىندەگى بيلىك قاتىناستارىن, سونداي-اق سالىقتىق مىندەتتەمەنى ورىنداۋعا بايلانىستى قاتىناستاردى رەتتەيتىندىگى بەلگىلى. تيىسىنشە, سالىق كودەكسى سالىقتاردى جانە بيۋدجەتكە تولەنەتىن باسقا دا مىندەتتى تولەمدەردى ەسەپتەۋ مەن تولەۋ بويىنشا بارلىق نەگىزدەردى اشىپ كورسەتەدى.
سالىق كودەكسى سالىق تولەۋشىنىڭ قۇقىقتارى مەن مىندەتتەرىن (13-باپ), سونداي-اق ناقتى سالىق تولەۋشىلەردىڭ سالىق مىندەتتەمەلەرىن ءوز بەتىنشە ورىنداۋ كەزىندە تۋىندايتىن سالىق مىندەتتەمەلەرىنىڭ تۋىنداۋى, ورىندالۋى جانە توقتاتىلۋى بولىگىندە مەملەكەتتىك كىرىستەر ورگاندارىنىڭ ءتۇسىندىرۋ جانە تۇسىنىكتەمەلەر جونىندەگى مىندەتتەرىن ايقىندايدى (19-باپ).
وسىلايشا, سالىق تولەۋشىلەردىڭ وتىنىشتەرى بويىنشا مكك
1) سالىق مىندەتتەمەسىن ورىنداۋ ماسەلەلەرىن تۇسىندىرەدى جانە ولارعا تۇسىنىكتەمەلەر بەرەدى;
2) مىناداي:
– قولدانىستاعى سالىقتار مەن بيۋدجەتكە تولەنەتىن تولەمدەر تۋرالى,
– سالىق زاڭناماسىنداعى وزگەرىستەر تۋرالى اقپاراتتاردى ۇسىنادى;
3) سالىق زاڭناماسىن قولدانۋ ماسەلەلەرىن تۇسىندىرەدى.
سالىق كودەكسىنىڭ 36-بابىندا سالىق تولەۋشىنىڭ سالىق مىندەتتەمەسىنىڭ تۋىنداۋ نەگىزدەرىنىڭ تولىق تىزبەسى بەلگىلەنگەن, بۇل بويىنشا وعان تۇسىنىكتەمەلەر بەرىلەدى, وزگە ماسەلەلەر بويىنشا جالپى اقپارات ۇسىنىلادى.
مەملەكەتتىك كىرىستەر كوميتەتىنە كىمدەر جۇگىنەدى؟مەملەكەت پەن سالىق تولەۋشىلەر اراسىنداعى ءوزارا قارىم-قاتىناستاردىڭ زاڭنامالىق نەگىزدەرىنە نازار اۋدارامىز. سالىق كودەكسىنىڭ نورمالارى سالىق تولەۋشىنىڭ ۇعىمىن (1-باپ) جانە سالىق تولەۋشى سالىق قاتىناستارىنا قالاي قاتىسۋعا قۇقىلى ەكەنىن ناقتى تۇردە ايقىندايدى (16-باپ).
سالىق تولەۋشى تۇسىنىكتەمە الۋ ءۇشىن مەملەكەتتىك كىرىس ورگاندارىنا ءوز بەتىنشە جۇگىنۋگە نە ءوز وكىلىنە (ونىڭ ىشىندە سەنىمحات ارقىلى) ۋاكىلەتتىك بەرۋگە قۇقىلى.
وكىلدىكتى (زاڭدى نەمەسە ۋاكىلەتتى) ءتيىستى رەسىمدەۋسىز سالىق تولەۋشىلەردەن كەلىپ تۇسكەن وتىنىشتەر قاراۋعا جاتپايدى.
وتىنىشتەردى بەرۋ رەتتىلىگى قانداي؟اكىمشىلىك راسىمدەر تۋرالى زاڭنامالىق نورمالار مەن مەملەكەتتىك كىرىستەر ورگاندارىنىڭ قۇرىلىمىن ەسكەرە وتىرىپ, مكك-نە ءوتىنىش بەرگەنگە دەيىن سالىق تولەۋشىلەرگە سالىق تولەۋشى تىركەلگەن اۋماقتىق بولىمشەنىڭ ۇستانىمىن الۋ قاجەت.
وتىنىشتەر بويىنشا ماسەلەلەردى رەتكە كەلتىرۋدەن نە كۇتۋگە بولادى؟مكك جوعارىدا كورسەتىلگەن تارتىپتە وتىنىشتەردى قاراۋ سالىق تولەۋشىلەرمەن تىكەلەي سەرىكتەس جانە سەنىمدى قارىم-قاتىناستاردى ورناتۋعا ىقپال ەتەتىنىنە, وتىنىشتەردى قاراۋ كەزىندە جەكە كوزقاراستى قامتاماسىز ەتۋگە مۇمكىندىك بەرەتىنىنە, بۇل ولاردىڭ سالىق مىندەتتەمەلەرىن تيىسىنشە ءوز بەتىنشە ورىنداۋىنا اكەلەتىنىنە سەنىم بىلدىرەدى.
زاڭ جانە كونسۋلتاتسيالىق قىزمەتتەردى جۇزەگە اسىراتىن تۇلعالاردىڭ وتىنىشتەرى بويىنشا قانداي ەرەكشەلىكتەر بار؟قىزمەتىنىڭ نەگىزگى تۇرلەرىنىڭ ءبىرى كەڭەس بەرۋ بولىپ تابىلاتىن زاڭ جانە كونسۋلتاتسيالىق قىزمەتتەردى جۇزەگە اسىراتىن تۇلعالار ارقىلى سالىق تولەۋشىلەردىڭ جۇگىنۋى بولىگىندە مكك وسىنداي قاتىناستاردى رەتتەيتىن زاڭنامانىڭ بەلگىلەنگەن نورمالارىنا نازار اۋدارادى.
ماسەلەن, «ادۆوكاتتىق قىزمەت جانە زاڭ كومەگى تۋرالى» قازاقستان رەسپۋبليكاسى زاڭىنىڭ 1-بابى 2) تارماقشاسىنا سايكەس زاڭ كونسۋلتانتتارىنىڭ قىزمەتى – زاڭ كونسۋلتانتتارىنىڭ جەكە جانە زاڭدى تۇلعالاردىڭ قۇقىقتارىن, بوستاندىقتارى مەن زاڭدى مۇددەلەرىن قورعاۋ بولىپ تابىلاتىن زاڭ كومەگىن كورسەتۋ جونىندەگى كاسىپتىك قىزمەتى. مۇنداي كونسۋلتاتسيا اۋىزشا جانە جازباشا كونسۋلتاتسيالار نىسانىندا, ونىڭ ىشىندە وتىنىشتەردى, شاعىمداردى, ءوتىنىشحاتتاردى جانە قۇقىقتىق سيپاتتاعى باسقا دا قۇجاتتاردى جاساۋ ماسەلەسىنە قاتىستى (زاڭنىڭ 1-بابى 8) تارماقشاسى) كورسەتىلەدى.
جوعارىدا ايتىلعانداردىڭ نەگىزىندە, مكك زاڭ جانە كونسۋلتاتسيالىق قىزمەتتەردى جۇزەگە اسىراتىن تۇلعالارعا سۇراۋ سالۋ كەزىندە تۇلعالارعا سالىق زاڭناماسىنىڭ سول نەمەسە نورمالارىن قولدانۋ جونىندە كاسىبي پايىم مەن كوزقاراس كۇتىلەدى. وسىعان بايلانىستى, ءوز كليەنتتەرىنە (سالىق تولەۋشىلەرگە) جۇگىنگەن كەزدە ء(تيىستى سەنىمحات ارقىلى) كەڭەس بەرەتىن تۇلعالار ءوز كليەنتتەرىنىڭ (سالىق تولەۋشىلەردىڭ) قانداي دا ءبىر ماسەلە بويىنشا كاسىبي پايىمداۋ تۇرعىسىنان ءوز ۇستانىمىن ءبىلدىرۋى ءتيىس.
وتىنىشتەر قانداي نىساندا جانە قايدا بەرىلەدى؟سالىق تولەۋشى ءوز قالاۋى بويىنشا اۋىزشا نەمەسە جازباشا ءوتىنىش بەرە الادى.
سۇراقتارعا اۋىزشا جاۋاپتاردى 14-14 تەلەفونى ارقىلى نەمەسە https://t.me/kgd_mf_rk_bot (ۆيرتۋالدى كومەكشى).
رەسمي ءوتىنىشتى مەملەكەتتىك ورگانعا تىكەلەي نەمەسە «ەلەكتروندى ۇكىمەت» پورتالى (مكك, وبلىستىق نەمەسە قالالىق مەملەكەتتىك كىرىستەر دەپارتامەنتتەرى) ارقىلى جازباشا رەسىمدەۋگە بولادى.
باسشىلار بلوگىنا (مكك توراعاسىنىڭ بلوگى) سۇراق نىسانىندا kgd.gov.kz) نەمەسە ء«جيى قويىلاتىن سۇراقتار» ايدارىنا ورنالاستىرىلادى.
الەۋمەتتىك جەلىلەردە مكك پاراقشالارى جۇمىس ىستەيدى: Instagram (press_kyzmet_kgd) , فەيسبۋك (kgd.gov.kz).
سالىقتىق تەكسەرۋ بارىسىندا تەكسەرىلەتىن ماسەلە بويىنشا تۇسىنىكتەمە الۋعا بولا ما؟سالىقتىق تەكسەرۋ بارىسىندا سالىق تولەۋشىنىڭ ەسەپتىك قۇجاتتاماسى زەردەلەنەدى جانە سالىق مىندەتتەمەسىنىڭ تۋىنداۋىنىڭ بارلىق نەگىزدەرى قارالادى, تيىسىنشە, مەملەكەتتىك كىرىستەر ورگاندارىنىڭ ۇستانىمى سالىقتىق تەكسەرۋ ناتيجەلەرىندە كورسەتىلەدى جانە قوسىمشا تۇسىندىرمەلەر بەرىلمەيدى. سالىقتىق تەكسەرۋدىڭ ناتيجەلەرىنە ودان ءارى سالىق كودەكسىنىڭ 4-بولىمىندە بەلگىلەنگەن تارتىپپەن شاعىم جاسالادى.