ماقتاارال اۋدانى مىرزاكەنت كەنتىندەگى شاعىناۋداندا 398 تۇرعىن ءۇي بوي كوتەردى. ال ورگەباس ەلدى مەكەنىندە 194 ءۇي تولىق بۇزىلىپ, قايتا تۇرعىزىلدى, دەپ حابارلايدى Egemen.kz.
تۇركىستان وبلىسىنىڭ اكىمى ومىرزاق شوكەەۆ ورگەباس جانە فيردوۋسي اۋىلدارىن ارالاپ, قالپىنا كەلتىرۋ جۇمىستارىمەن تانىستى. ءۇي-ءۇيدى ارالاپ, جەرگىلىكتى تۇرعىندارمەن جۇزدەستى. حالىقتىڭ كوكەيىندەگى ماسەلەلەرىن تىڭدادى.
ورگەباس اۋىلىنىڭ تۇرعىندارى مەملەكەت تاراپىنان بولىنگەن 17 ملن تەڭگە قاراجاتقا ءۇي سالۋدا. ەلدى مەكەندە اۋىزسۋ جۇيەلەرى جاڭارتىلىپ, جولدار جوندەلىپ جاتىر. سۋ شايىپ كەتكەن وبلىستىق ماڭىزى بار 10 شاقىرىم اۆتوجولدىڭ وسى اۋىلداعى 4,9 شاقىرىمىن قۇرايتىن 4 كوشەسىنە اعىمداعى جوندەۋ جۇمىستارى جۇرگىزىلۋدە. 200 ورىندىق جاڭا مەكتەپ سالىنىپ, ەسكى مەكتەپ اعىمداعى جوندەۋدەن وتكەن. سونىمەن بىرگە, قوسىمشا مەكتەپتىڭ جىلىتۋ قازاندىعى قويىلىپ, فەلدشەرلىك-اكۋشەرلىك بەكەت سالىنۋدا.ال, جاڭا جول اۋىلدىق وكرۋگىنە قاراستى فيردوۋسي ەلدى مەكەنىندە 327 ءۇيدىڭ زارداپ شەككەن 308-ءى بۇزىلىپ, جاڭادان بوي كوتەردى. 600 ورىندىق مەكتەپ جوندەلىپ, جىلىتۋ قازاندىعىن تابيعي گازعا قوسۋ جۇمىستارى جۇرگىزىلۋدە.
سونداي-اق ومىرزاق ەستاي ۇلى دارىگەرلىك امبۋلاتوريا قۇرىلىسىندا بولىپ, مىرزاكەنتتەگى جاڭا شاعىناۋداندى ارالادى. جاڭادان سالىنعان كارىز جۇيەسى ستانساسىنىڭ جۇمىسىمەن تانىستى. جەڭىس, دوستىق, جاڭاتۇرمىس ەلدى مەكەندەرى ءۇشىن 70 گەكتار جەر تەلىمىن قۇرايتىن جاڭا شاعىناۋداندا 1200 ورىندىق مەكتەپ پەن بالاباقشا, دارىگەرلىك امبۋلاتوريا قۇرىلىسى جۇرگىزىلۋدە.
تۇركىستان وبلىسى