اقتوبە وبلىسىندا رەسپۋبليكالىق جانە جەرگىلىكتى ماڭىزى بار اۆتوجول جوبالارىن جۇزەگە اسىرۋ جالعاسۋدا. بيىل اتالعان وڭىردە جۇمىستاردىڭ بارلىق تۇرىمەن 24 نىسان قامتىلىپ وتىر, دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
ماسەلەن, رەسپۋبليكالىق «قاندىاعاش-ماقات» اۆتوموبيل جولىن رەكونسترۋكتسيالاۋ قارقىن العان. بۇدان بولەك, رەسەيمەن شەكارالاس «سامارا-شىمكەنت» جولىنىڭ 526-590 جانە 965-990 كم ۋچاسكەلەرىندە جوندەۋ جۇمىستارى جۇرگىزىلىپ جاتىر. ال «اقتوبە-ورسك» اۆتوجولىنداعى «الىمبەت» وتكىزۋ بەكەتىن جايلاستىرۋ بويىنشا جوبا-سمەتالىق قۇجاتتاما جەتىلدىرىلۋدە.
بيىل وڭىردە جەرگىلىكتى جۇيەنى دامىتۋ جۇمىستارى دا قارقىندى جۇزەگە اسۋدا. اتاپ ايتار بولساق, «اقتوبە قالاسىنىڭ وڭتۇستىك اينالما» جولىنىڭ 21,5-35,3 كم مەن «اقتوبە-ورسك» اۆتوجولىنداعى 8-16 كم ۋچاسكەلەرىندە قايتا جاڭارتۋ شارالارى قولعا الىنعان. بۇدان بولەك, جولشىلار بۇلاق اۋىلىنا بارار جولعا كۇردەلى جوندەۋ جۇمىستارىن جۇرگىزىپ جاتىر. كۇردەلى جوندەۋمەن «شۇبارقۇدىك-ويىل-قوبدا-سول-يلەتسك» اۆتوجولىنىڭ 334-371,9 كم جانە «قوبدا-مارتىق» اۆتوجولىنىڭ 0-30 كم ۋچاسكەلەرى دە قامتىلعان.
اۋقىمدى جۇمىستار وبلىستىق جانە اۋداندىق ماڭىزدى جولداردا دا ىسكە اسۋدا. ولارعا ورتاشا جوندەۋ جۇرگىزىلىپ جاتىر. وسى رەتتە بىرقاتار جوبا بار. بۇلار: «شالقار-بوزوي-وزبەكستان شەكاراسى» 20-50كم, «قوبدا-مارتىق» 30-52 كم, «پوكروۆكا-تەمىر-كەنكياك-ەمبا» 111-145 كم, «ويىل-قاراوي» 0-75 كم, «سۆەتلىي-كۇمكۇدىق-جاباساق-بايجانكول» 10-68 كم, «اقتوبە-رودنيكوۆكا-مارتىق» 42-93 كم, «بورودينوۆكا-ستەپنوە» 0-15 كم, «ۆوزنەسەنوۆكا-جاڭاجول-مارتىق-پولتاۆكا» 0-15 كم. ورتاشا جوندەۋ تاسساي, تاسوتكەل, تابانتال, قۇمقۇدىق, كوپتوعاي مەن شۇبارشي ەلدىمەكەندەرىنە باراتىن جولدارعا دا جۇرگىزىلۋدە.
ايتا كەتەيىك, اقتوبە وبلىسىنداعى اۆتوموبيل جولدارىنىڭ جالپى ۇزىندىعى 6921 شاقىرىمدى قۇرايدى. ولاردىڭ 1869-ى – رەسپۋبليكالىق, ال 5052-ءى – جەرگىلىكتى ماڭىزدى اۆتوجولدار.