پاۆلودار وبلىسىنىڭ كاسىپكەرلىك جانە ساۋدا باسقارماسىنىڭ باسشىسى لاۋازىمىنا ايبەك تۇرسىنعاليەۆ تاعايىندالدى, دەپ حابارلايدى Egemen.kz
بۇعان دەيىن ا.تۇرسىنعاليەۆ "Kazakh Invest" ۇلتتىق كومپانياسى" اق-نىڭ باسقارۋشى ديرەكتورى بولىپ قىزمەت اتقاردى.
پاۆلودار وبلىسىنىڭ اكىمى ابىلقايىر سقاقوۆ جاڭا باسشىنى كەڭەس بارىسىندا تانىستىردى. ايبەك تۇرسىنعاليەۆ 1988 جىلى تۋعان. 2013 جىلى شىعىس قازاقستان وڭىرلىك ۋنيۆەرسيتەتىن "قۇقىقتانۋ" ماماندىعى بويىنشا تامامداعان. 2015 جىلى قازاق يننوۆاتسيالىق گۋمانيتارلىق-زاڭ ۋنيۆەرسيتەتىندە ەكونوميكا جانە بيزنەس ماگيسترى دارەجەسىن الدى.
ەڭبەك جولىن 2010 جىلى ەلوردادا "Kulager" قۇرىلىس كورپوراتسياسى" جشس-دا زاڭگەر قىزمەتىنەن باستاعان.
2011-2014 جىلدار ارالىعىندا "Petroleum consultants" جشس جانە "نۇر-سۋات" جشس زاڭ بولىمدەرىن باسقاردى.
2014-2017 جىلدارى – "KAZNEX INVEST" ەكسپورت جانە ينۆەستيتسيالار ۇلتتىق اگەنتتىگى" اق ارنايى ەكونوميكالىق ايماقتاردى قارجىلىق جانە تەحنيكالىق تالداۋ دەپارتامەنتىندە مەنەدجەر.
2017-2018 جىلدارى – شىمكەنت قالاسىنداعى "وڭتۇستىك" ارنايى ەكونوميكالىق ايماعىنىڭ باسقارۋشى كومپانياسى" اق باسقارما توراعاسىنىڭ ورىنباسارى جانە ءبىرىنشى ورىنباسارى.
2018 جىلى "پاۆلودار" ارنايى ەكونوميكالىق ايماعىنىڭ باسقارۋشى كومپانياسى" اق-نى باسقاردى.
2019 جىلى ەكىباستۇز اكىمى كەڭەسشىسىنىڭ مىندەتىن اتقارۋشى بولىپ تاعايىندالدى.
2019 جىلعى قازاندا "Kazakh Invest" ۇلتتىق كومپانياسى" اق-عا جۇمىسقا اۋىستى, وندا ءبىر جىل ىشىندە وڭىرلەرمەن ءوزارا ءىس-قيمىل دەپارتامەنتى توبىنىڭ ديرەكتورى جانە باسقارۋشى ديرەكتورى لاۋازىمىندا جۇمىس ىستەدى.