جۋىردا اقىن, ءانشى-سازگەر ەلەنا ابدىحالىقوۆانىڭ «مەنىڭ جالعىز جۇلدىزىم» اتتى جىر جيناعى مەن «ساعىنىش-عۇمىر» اتتى ءان جيناعى جارىق كوردى.
جىر كىتابىندا اقىننىڭ ولەڭدەرى ءھام قازاقتىڭ ارداقتى قالامگەرلەرى ءابىش كەكىلباەۆ, فاريزا وڭعارسىنوۆا تۋرالى ماقالالارى بەرىلگەن. ال پارتيتۋرالار جيناعىنا اۆتوردىڭ ءار جىلدارى جازعان تاڭدامالى اندەرىنىڭ ەسترادالىق-سيمفونيالىق وركەسترگە ارنالعان پارتيتۋرالارى مەن نوتالارى ەنگىزىلىپتى.
«پروفي مەديا» باسپاسىنان ارقايسىسى 2000 دانامەن باسىلىپ شىققان قوس كىتاپ ماڭعىستاۋ وبلىسىنىڭ اكىمى سەرىكباي وتەلگەن ۇلى ترۇموۆتىڭ قولداۋىمەن جاريالانىپ وتىر.
تالانتتى سازگەر ءان كىتابىنا جازعان العى سوزىندە: «...مەنىڭ عۇمىرىم – ساعىنىش. كىمدى؟.. نەنى؟.. نە ءۇشىن؟.. بىلمەيمىن. بىراق كەۋدەمدى ۇنەمى ساعىنىش كەرنەيدى دە تۇرادى...
سول ساعىنىشتارىمنىڭ ساز-ءۇنىن وسى كىتاپ جەتكىزگەي...» دەيدى. اۆتوردىڭ ساعىنىشقا تولى سازدى اۋەندەرى ءار قازاقتىڭ جۇرەك تۇكپىرىندە ساقتالعان.
اقىن شىعارماشىلىعىنا زور تابىس تىلەيمىز.