كوروناۆيرۋس پاندەمياسى كەزىندە قاۋىپسىزدىكتى ساقتاپ, ىندەتتىڭ الدىن الۋ ماقساتىندا توكيو مارافونى 2021 جىلدىڭ ناۋرىز ايىنان كۇز مەزگىلىنە شەگەرىلدى, دەپ حابارلايدى Olympic.kz.
تاس جولداعى جارىستى ۇيىمداستىرۋشى Tokyo Marathon Foundation قورى جۇما كۇنى ديرەكتورلار كەڭەسىنىڭ وتىرىسىن وتكىزىپ, وسى شەشىمدى رەسمي تۇردە بەكىتەدى. وعان سايكەس شامامەن 38 000 قاراپايىم قاتىسۋشىعا رۇقسات بەرىلۋى ءتيىس. دەرەككوزدەردىڭ حابارلاۋىنشا, قور پاندەمياعا بايلانىستى 7 ناۋرىزدا جوسپارلانعان كۇننەن باس تارتتى جانە ونىڭ ورنىنا كەلەسى جازدا توكيوداعى وليمپيادا ويىندارىنان كەيىن مارافون وتكىزۋدى ۇيعاردى. ۇيىمداستىرۋشىلار 2022 جىلعى باسەكەنى ناۋرىز ايىندا, ادەتتە جاپونيا استاناسىندا وتەتىن ۋاقىتتا وتكىزۋدى جوسپارلاپ وتىر.
بيىلعى جىلى توكيو مارافونى تاڭداۋلى قاتىسۋشىلار ءۇشىن كوروناۆيرۋستىڭ ورشۋىنە بايلانىستى شەكتەۋلى بولدى. جارىس جولىنان شىعارىلعان قاراپايىم قاتىسۋشىلارعا كەلەسى نەمەسە 2022 جىلعى ءىس-شاراعا اۆتوماتتى تۇردە كىرۋ مۇمكىندىگى بەرىلدى. توكيو مارافونى –الەمدەگى التى نەگىزگى مارافوننىڭ ءبىرى. وسى جىلى بوستون, بەرلين, چيكاگو جانە نيۋ-يوركتەگى بارلىق مارافون توقتاتىلدى, ال وتكەن دەمالىس كۇندەر وتكەن, ءساۋىر ايىندا كەيىنگە شەگەرىلگەن لوندون مارافونىنا تاڭداۋلى جۇگىرۋشىلەر عانا قاتىستى.