«گيبريدتى» سۇزگىلەر اتموسفەرانى لاستاۋعا جول بەرمەيدى

كاسىپورىن ءۇشىن بۇل جاڭ­عىرتۋ كەم دەگەندە 10 جىل­دىق اۋقىمدى ەكوجوبانىڭ العاش­­قى ماڭىزدى كەزەڭدەرىنىڭ ءبىرى. بىرەگەي ەكولوگيالىق باع­دارلاما – ەۋرازيالىق توپ­تىڭ ەكو­لوگيالىق جاڭا ستراتەگياسىن ىسكە اسىرۋداعى قادام­دا­رى­نىڭ ءبىرى.

جوبا 2018 جىلى زاۋىتتىڭ №1 پەشتى گازدان تازارتۋ جۇيە­سىن جوبالاۋعا كەلىسىمشارت جا­سالعان ۋاقىتتا باستاۋ الدى. كاسىپورىن ەكولوگتەرىنىڭ پى­كىرىنشە, وسى سەرپىندى جانە با­سىمدىققا يە جوبانى ىسكە اسى­رۋ وندىرىستىك كورسەتكىشتەر­دى تۇراقتى ۇستاپ تۇرۋ كەزىندە شاڭ شىعارىندىلارىن جىلىنا 2 376 تونناعا بىرتىندەپ تومەندەتۋگە مۇمكىندىك بەرە­دى. جاڭا جابدىقتىڭ تازالاۋ تيىمدىلىگى شامامەن 99,99% جانە جالپى قالاداعى اتموس­فەرالىق اۋاعا وڭ اسەر ەتەدى. كومپانيا اتاپ وتكەندەي, بۇل جوباعا ايتارلىقتاي ينۆەستيتسيا قۇيىلدى – العاشقى ەكى ەلەكتر سۇزگىسىن ساتىپ الۋ­عا جا­­نە مونتاجداۋعا شامامەن ­11 ملن اقش دوللارى باعىت­تالعان.

باستى ورىنداۋشى نارىقتا تانىلعان – Thyssenكrupp نەمىس كومپانياسى. ونىڭ ماماندارى بارلىق ەسەپتەۋلەردى جۇرگىزىپ, جاڭا ەلەكتر سۇزگىلەرىنىڭ نەگىزگى ەلەمەنتتەرىن جاسادى, سونىمەن قاتار ەسكىلەرىن بولشەكتەۋگە تىكەلەي قاتىستى.

جاڭا گيبريدتى سۇزگىلەر بۇ­­رىنعى سۇزگىلەردى الماس­تىر­­دى. جەنتەكتەۋ پەشتەرى ءۇشىن گازدى تازارتۋدى قايتا قۇرۋ­دىڭ رەتتىك-پاراللەلدى ءادىسى تاڭدالدى. پەش ەكىنشى سۇز­گى­مەن 50 پايىزدىق جۇكتە­مە­مەن جۇمىس ىستەپ جاتقان­دا, ءبىرىن­شىسىن اۋىستىرۋ جۇ­مىس­تارى قاتار جۇرگىزىلدى. بۇل پەشتى توق­تاتپاي اۋقىمدى شارۋانى دا قاتار اتقارۋعا مۇمكىندىك بەر­دى, وسىلايشا ونىڭ توقتاپ تۇرۋىن تومەندەتىپ, قالپىنا كەل­تى­رۋ جۇمىستارىنا بايلانىس­تى شىعىنداردى ازايتۋعا مۇم­كىندىك بەردى.

قازىرگى ەلەكتر سۇزگىلەرىنىڭ باستى ايىرماشىلىعى – ولار «گيبريدتى». ەكەۋى دە جارتىلاي ەلەكترلى, جارتىلاي جەڭ­دىك. ەندى بۇل كومپرەسسورلىق جانە سورعى ستانسالارى قوسىمشا ورناتىلعان تۇتاس كەشەن, شاڭ كامەراسى گاز تازارتۋ قورا­بى­­­مەن جانە سۋىق اۋا اعىنى جۇيە­­سىمەن جابدىقتالعان. بۇ­كىل الەم­دە بۇل «گيبريدتى» تەح­نولوگيا ونەركاسىپتىك گاز شى­عا­رىن­دىلارىن شاڭنان تازارتۋ تۇر­عىسىندا وزىق بولىپ سانا­لادى. سوندىقتان پاۆلودار اليۋ­­مي­ني زاۋىتىنداعى ەلەكتر سۇز­گى­لەرىن اۋىستىرۋدى ەڭ الدىمەن ماڭىزدى تابيعاتتى قور­عاۋ شا­راسى رەتىندە قاراس­تىرعان ءجون.

ايتا كەتەتىن جايت, ءبى­رىن­­­­شى ەلەكتر ءفيلترى اعىم­دا­عى جىلدىڭ باسىندا ىسكە قو­سىل­­عان بولاتىن. سول ۋاقىت­تا ەكىن­شىسىندە دە قۇرى­لىس-مون­­­­تاج جۇمىستارى باستال­دى. پان­دە­ميا جەنتەكتەۋ تسەحىن­داعى ال­عاشقى پەش سۇزگىلەرىن قايتا قۇ­رۋدى اياقتاۋ مەرزىمىنە بىر­قا­تار وزگەرىستەر ەنگىزدى. الاي­دا ThyssenKrupp كومپا­نياسى مەن «قا­زاقستان ءاليۋ­مينيى» اق مامان­دارى وسى اۋقىمدى جۇ­مىستى ءساتتى اياق­تادى.

اتموسفەراعا جىبەرىلگەن شىعارىندىلارعا جۇرگىزىل­گەن العاشقى ولشەۋ گاز تازارتۋ جابدىقتارىنىڭ تۇراقتى جانە جاقسى جۇمىس ىستەيتىنىن كورسەتتى.

الداعى ۋاقىتتا №5 پەش­تەگى ەلەكتر سۇزگىلەرىن جاڭعىر­تۋ جوسپارلانعان. ۇزاق مەر­زىم­دى باعدارلاما اياسىندا پاۆ­لو­دار اليۋميني زاۋىتىندا بار­لىق ەلەكتر سۇزگىلەرىن قاي­تا قۇرۋ كوزدەلىپ وتىر. ولار­­دىڭ بارلىعى پروتسەستەر­دى باس­قارۋدىڭ جانە شىعاتىن ءتۇتىن گازدارىنداعى لاستاۋ­شى زاتتاردىڭ شوعىر­لا­نۋىن باقىلاۋ ءۇشىن قازىرگى زا­­مان­عى جۇيەلەرمەن اۆتوماتتاندىرىلاتىن بولادى.