شىمكەنت قالاسىنا جۇمىس ساپارى اياسىندا يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ شىمكەنت قالاسىنىڭ اكىمى مۇرات ايتەنوۆپەن بىرگە جاڭا جولاۋشىلار تەرمينالىنىڭ سالىنۋ بارىسىمەن تانىستى, دەپ حابارلايدى Egemen.kz.
جوبا 2020-2025 جىلدارعا ارنالعان "نۇرلى جول" ينفراقۇرىلىمدىق دامۋ مەملەكەتتىك باعدارلاماسى اياسىندا "سكات" اۋە كومپانياسىنىڭ جەكە ينۆەستيتسياسى ەسەبىنەن ىسكە اسىرىلۋدا.
"سكات" اۆياكومپانياسىنىڭ پرەزيدەنتى ۆلاديمير دەنيسوۆ جاڭا تەرمينالدىڭ وندىرىستىك قۋاتى, ترانزيتتىك جولاۋشىلاردى تارتۋ جوسپارلارى تۋرالى, سونداي-اق قۇرىلىس كەزىندە پايدالانىلاتىن قازىرگى زامانعى ماتەريالدار, ونىڭ ىشىندە وسىنداي دەڭگەيدەگى وبەكتىلەردە قولدانىلاتىن وتاندىق ءوندىرىس تۋرالى باياندادى.
جاڭا تەرمينال حالىقارالىق ساپا جانە قاۋىپسىزدىك ستاندارتتارىنا سايكەس كەلەدى, بۇل مەگاپوليس تۇرعىندارى مەن قوناقتارىن جايلىلىقتىڭ جوعارى دەڭگەيىمەن قامتاماسىز ەتۋگە مۇمكىندىك بەرەدى.