ەلوردادا قوعامدىق كولىكتەردەگى ەلەكتروندى بيلەت جۇيەسى قاراجاتتىڭ 40%-ىن كولەڭكەلى اينالىمنان شىعارۋعا مۇمكىندىك بەردى. بۇل تۋرالى بريفينگ بارىسىندا نۇر-سۇلتان قالالىق تسيفرلاندىرۋ جانە مەملەكەتتىك قىزمەت كورسەتۋ باسقارماسىنىڭ ءبولىم باسشىسى دانيال ايتكەنوۆ مالىمدەدى, دەپ حابارلايدى Egemen.kz.
"جىلجىمالى قۇرام 100% ەلەكتروندى تولەم جۇيەسىمەن جابدىقتالعان. ەلەكتروندى تولەمنىڭ ۇلەسى – 100%. قولما-قول اقشاسىز تولەم قاراجاتتىڭ 40%-دان استامىن كولەڭكەلى اينالىمنان الۋعا مۇمكىندىك بەردى", - دەپ تۇيىندەدى دانيال ايتكەنوۆ.
ايتا كەتەيىك, ازاماتتارعا ىڭعايلى بولۋ ءۇشىن بۇگىنگى كۇنى جولاقى تولەۋدىڭ بىرنەشە ءتۇرى - كولىك كارتالارى, SMS, QR كودتارى, Face pay, بانك كارتالارى جاسالعان. بۇل باعىت باعدارشامداردى ءاداپتيۆتى باسقارۋدى جانە قوعامدىق كولىكتى ديسپەتچەرلەۋدى دە قامتيتىن ينتەللەكتۋالدى كولىك جۇيەسى (ITS) جوباسى اياسىندا جۇزەگە اسىرىلۋدا.