"ۋچاستوك" جەدەل-پروفيلاكتيكالىق شاراسى بارىسىندا ەلوردالىق پوليتسيا اۋەزوۆ كوشەسى بويىنشا "كەڭەس" پيك توراعاسىمەن كەزدەستى, دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.
كەزدەسۋ بارىسىندا قوعامدىق قاۋىپسىزدىك پەن قۇقىقتىق ءتارتىپتى قامتاماسىز ەتۋ, پوليتسيا مەن پيك اراسىنداعى ءوزارا ءىس-قيمىل, سونداي-اق ەلوردادا اباتتاندىرۋ ەرەجەلەرىن ساقتاۋدىڭ ەڭ وزەكتى ماسەلەلەرى تالقىلاندى.
"پوليتسيا مەن پيك اراسىنداعى ءوزارا ءىس-قيمىل قوعامدىق قاۋىپسىزدىك, زاڭدىلىق پەن ءتارتىپتى قامتاماسىز ەتۋ ءۇشىن قوسىمشا رەسۋرستار جاسايدى. بۇل جۇمىس فورماتى بىزگە حالىقپەن كەرى بايلانىس ورناتۋعا, بۇزۋشىلىقتار تۋرالى حابارلامالارعا ۋاقىتىندا جاۋاپ بەرۋگە جانە الدىن-الۋ جۇمىستارىن جۇرگىزۋگە مۇمكىندىك بەرەدى", - دەدى نۇر-سۇلتان قالالىق پوليتسيا دەپارتامەنتىنىڭ باستىعى, گەنەرال-مايور ەرجان سادەنوۆ.
سونىمەن قاتار ول جۇرگىزىلگەن پروفيلاكتيكالىق شارالار ارقاسىندا قوعامدىق ورىندار مەن كوشەلەردە قىلمىس ازايىپ جاتقانىن ايتتى. ۋچاسكەلىك ينسپەكتورلار قىزمەت كورسەتۋ ورىندارىندا تۇراتىن كوپتەگەن ازاماتتاردى بىلەتىنى, تاۋلىك بويى جۇمىس ىستەپ جانە تۇرعىندار شاعىمدارىنا دەرەۋ جاۋاپ بەرەتىنى اتاپ ءوتىلدى.
سونداي-اق كەزدەسۋ بارىسىندا ۋچاسكەلىك پوليتسيا ينسپەكتورلارى پاتەرلەردى ارالادى.