«جىبەك» سپەكتاكلى وڭتۇستىك كورەياداعى بەدەلدى Daegu International Musical Festival (DIMF) ۇسىنىلادى, دەپ حابارلايدى اكىمدىكتىڭ رەسمي سايتى.
قويىلىم 26-27 قازان ارالىعىندا فەستيۆال YouTube ارناسىندا كورسەتىلەدى.
«جىل سايىن تەگۋ قالاسىندا وتەتىن بۇل شارا نيۋ-يورك مۋزىكالىق فەستيۆالىنەن (NYMF) كەيىن تەاتر سۇيەر قاۋىم ءۇشىن ەڭ ماڭىزدى مادەني وقيعا. ۇيىمداستىرۋشىلار الەمنىڭ ءار تۇكپىرىنەن ۇزدىك ميۋزيكلدەردى تاڭداپ, كورەي كورەرمەندەرىنە تانىستىرادى. فەستيۆال باعدارلاماسىندا «جىبەك» سپەكتاكلىنەن باسقا, 8 ەلدىڭ ميۋزيكلدەرى بولدى», – دەلىنگەن مادەنيەت باسقارماسىنىڭ حابارلاماسىندا.
عابيت مۇسىرەپوۆتىڭ (كومپوزيتورى - ە.برۋسيلوۆسكي) «جىبەك» ميۋزيكلى ماڭگىلىك ماحابباتتىڭ قايعىلى وقيعاسى تۋرالى باياندايتىن قازاقتىڭ وسى اتتاس ەپوپەياسىنا نەگىزدەلگەن. قازاق حالقىنىڭ مادەنيەتى مەن قۇندىلىقتارىن بەينەلەيتىن قويىلىمنىڭ رەجيسسەرى - قازاقستاننىڭ ەڭبەك سىڭىرگەن قايراتكەرى نۇرقانات جاقىپباي. «قىز جىبەك» ليريكالىق شىعارماسىنىڭ جاڭارتىلعان نۇسقاسى «جاستار» تەاترىنىڭ رەپەرتۋارىنداعى ەڭ جارقىنداردىڭ ءبىرى جانە فەستيۆالدار مەن بايقاۋلاردا بىرنەشە رەت ماراپاتتارعا يە بولدى.