الەۋمەتتىك قىزمەتتەر پورتالىن ىسكە قوسقان اعىمداعى جىلدىڭ باسىنان بەرى پورتال ارقىلى مۇگەدەكتىگى بار ادامدار ءۇشىن 14 723 وڭالتۋدىڭ تەحنيكالىق قۇرالى بەرىلدى.
پورتال مۇگەدەكتىگى بار ادامدارعا وڭالتۋدىڭ تەحنيكالىق قۇرالىن ءوندىرۋشى مەن جەتكىزۋشىنى ءوز بەتىنشە تاڭداۋعا مۇمكىندىك بەرەدى. كومەكتىڭ كەپىلدىك بەرىلگەن تۇرىنە تاپسىرىس بەرۋ ەلەكتروندى تسيفرلى قولتاڭبا ارقىلى جۇزەگە اسىرىلادى. تاپسىرىس بەرىلگەن وتق-نى جەتكىزۋ ارقىلى نەمەسە ءوز بەتىنشە الىپ كەتۋگە بولادى.
قازىرگى ۋاقىتتا پورتالدا وتق-نىڭ 55 ءتۇرىنىڭ 24-ءى قولجەتىمدى. قازان ايىندا قاناتقاقتى تارتىپتە پورتال ارقىلى جەكە كومەكشىلەر مەن ىمداۋ ءتىلى ماماندارىنىڭ قىزمەتتەرىنە تاپسىرىس بەرۋ, سونداي-اق شيپاجايلىق ەمدەلۋ ۇيىمىن تاڭداۋ مۇمكىندىكتەرى ىسكە قوسىلاتىن بولادى. وتق-نىڭ قالعان تۇرلەرى 2021 جىلى پورتالعا اۋىستىرىلاتىن بولادى.
مۇگەدەكتىگى بار ادامداردى وڭالتۋ قۇرالدارىمەن قامتاماسىز ەتۋ پروتەزدىك-ورتوپەديالىق, سۋردوتەحنيكالىق, تيفلوتەحنيكالىق جانە گيگيەنالىق قۇرالداردى, سونداي-اق كرەسلو-اربالاردى ۇسىنۋدى قامتيدى.
ەسكە سالا كەتەيىك, ەلەكتروندى رەسۋرس مۇگەدەكتىگى بار ادامداردى قاجەتتى قىزمەتتەرمەن جانە جەتكىزۋشىدەن تىكەلەي وتق-مەن قامتاماسىز ەتۋ ماقساتىندا ازىرلەنگەن. بۇگىنگى تاڭدا پورتالدا 5 748 مۇگەدەكتىگى بار ادام جانە «قامقورشى» مارتەبەسىنە يە 5 216 ادام بولعان.
قازىرگى ۋاقىتتا پورتالدا 733 جەتكىزۋشى تىركەلگەن, ونىڭ 25-ءى وتق ۇسىنادى. 708 ۇيىم ارنايى الەۋمەتتىك قىزمەتتەر كورسەتەتىن بولادى. مينيسترلىك جەتكىزۋشىلەردىڭ سانىن ارتتىرۋ بويىنشا بەلسەندى جۇمىس جۇرگىزۋدە.
«الەۋمەتتىك قىزمەتتەر پورتالى» اۆتوماتتاندىرىلعان اقپاراتتىق جۇيەسىن ەنگىزۋ مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار شەڭبەرىندە كوزدەلگەن.
پورتالدى پايدالانۋ بويىنشا كەڭەستى 1411 ءنومىرى بويىنشا كولل-ورتالىقتان الۋعا بولادى.