اۋىل شارۋاشىلىعىن قارجىلاي قولداۋ قورى «قارىزدى ءوسىمپۇلسىز تولە!» اكتسياسىن وتكىزىپ جاتىر. 2020 جىلدىڭ 18-قىركۇيەگى مەن 20-جەلتوقسانى ارالىعىندا بيىلعى 18-قىركۇيەككە دەيىن مەرزىمى وتكەن بەرەشەگى بولعان قارىز بەن ليزينگ الۋشىلار (جەكە جانە زاڭدى تۇلعالار) ونى ءوسىمپۇلسىز وتەي الادى.
«2020-جىلدىڭ 18-قىركۇيەگىنە دەيىن قور الدىندا مەرزىمى وتكەن مىندەتتەمەلەرى بار كاسىپكەرلەرگە جەڭىلدىك جاساۋدى قولعا الدىق. مىسالى, مەرزىمى وتكەن نەگىزگى بورىشتى, سىياقىنى, مەرزىمى وتكەن نەگىزگى بورىش پەن ايىپپۇل ەسەپتەلگەن سىياقى سوماسىن (بەرەشەكتى ءوندىرىپ الۋ تۋرالى سوت شەشىمى بولعان كەزدە) تولىق وتەگەندەردىڭ ءوسىمپ ۇلى الىنىپ تاستالادى», دەيدى «اۋىل شارۋاشىلىعىن قارجىلاي قولداۋ قورى» اق پروبلەمالىق قارىزدارمەن جۇمىس جونىندەگى دەپارتامەنت ديرەكتورى دانيار سەرىك.
اكتسيا اياسىندا بەرەشەكتى وتەۋ قاراجاتتى قوردىڭ ەسەپ ايىرىسۋ شوتىنا اۋدارۋ ارقىلى جۇرگىزىلەدى.
ايتا كەتۋ كەرەك, مۇنداي ءىس-شارا 2015-2019-جىلدارى ءساتتى ىسكە اسىپ, ناتيجەلى بولعان. وسى كەزەڭدە «قارىزدى ءوسىمسىزپۇلسىز تولە!» اكتسياسى اياسىندا قارىز الۋشىلار جالپى سوماسى شامامەن 2,5 ملرد تەڭگەنىڭ مەرزىمى وتكەن بەرەشەگىن وتەگەن بولاتىن. ەسەپتەن شىعارىلعان ءوسىمپۇل سوماسى 183,7 ملن تەڭگەنى قۇراعان ەدى.
وسى جولى دا اتالعان قور اكتسياعا بەلسەندى تۇردە قاتىسۋعا شاقىرادى. اكتسياعا قاتىسۋ ءۇشىن قوردىڭ وبلىس ورتالىقتارىندا جانە نۇر-سۇلتان, الماتى, شىمكەنت, سەمەي قالالارىندا ورنالاسقان فيليالدارىنا جۇگىنۋ قاجەت. قوسىمشا اقپاراتتى 8-800-80-35-05 تەلەفون ءنومىرى ارقىلى بىلۋگە بولادى.