قازاقستان رەسپۋبليكاسىنىڭ باستاماسى بويىنشا 2020 جىلعى 2 قازاندا ەۋرازيالىق ەكونوميكالىق كوميسسيا كەڭەسى كوروناۆيرۋستىق ينفەكتسياسىنىڭ تارالۋىنىڭ الدىن الۋ جانە بولدىرماۋ ءۇشىن پايدالانىلاتىن كەيبىر تاۋارلارعا باجسىز اكەلۋ مەرزىمىن ۇزارتۋ تۋرالى شەشىم قابىلدادى. تاريفتىك جەڭىلدىك 2021 جىلعى 1 قازاننان 31 ناۋرىزعا دەيىنگى مەرزىمگە ۇزارتىلادى.
اتاپ ايتقاندا, ەاەو-عا مۇشە مەملەكەتتىڭ ۋاكىلەتتى ورگانى بەرگەن اكەلىنەتىن تاۋارلاردىڭ نىسانالى ماقساتى راستالعان كەزدە ۆاكتسينالاردى, ءدارى-دارمەكتەر مەن قورعانىش قۇرالدارىن (ماسكالار, دەزينفەكتسيالاۋ قۇرالدارى, قولعاپتار جانە ت.ب.) وندىرۋگە ارنالعان شيكىزاتتى, سونداي-اق كوروناۆيرۋستىق ينفەكتسيانى ەمدەۋگە جانە الدىن الۋعا ارنالعان ءارتۇرلى اپپاراتۋرالاردى باجسىز يمپورتتاۋعا جول بەرىلەدى.
«اتالعان تاريفتىك جەڭىلدىكتىڭ جارتى جىلدىق ۇزارتىلۋى كوروناۆيرۋسپەن كۇرەسۋ ءۇشىن قاجەتتى ءونىمدى يمپورتتاۋ كەزىندە كەدەندىك باجداردى تولەۋ بويىنشا شىعىنداردى ازايتۋعا مۇمكىندىك بەرەدى», دەپ اتاپ ءوتتى ساۋدا جانە ينتەگراتسيا ۆيتسە-ءمينيسترى جانەل كۋشۋكوۆا.
كەڭەستىڭ شەشىمى رەسمي جاريالانعان كۇنىنەن باستاپ كۇنتىزبەلىك 10 كۇن وتكەن سوڭ كۇشىنە ەنەدى جانە 1 قازاننان باستاپ تۋىنداعان قۇقىقتىق قاتىناستارعا قولدانىلادى.