قىزىلوردا وبلىسىنىڭ اكىمى بىرقاتار نىساندى ارالادى

اتالعان بۋ قازاندىعىنىڭ جىلۋ ەنەرگياسىن قالاداعى 197-ءى كوپ قاباتتى ءۇي, 5 بالاباقشا, 10 مەديتسينالىق مەكەمە, بارلىعى 763 نىسان تۇتىنادى. جىلۋ قازاندىعى گازبەن جىلىتىلادى, رەزەرۆتىك وتىن رەتىندە 644 توننا مازۋت الىنعان. جىلىتۋ قازاندىعى 10 قازاندا تولىق ىسكە قوسىلماق. ايماق باسشىسى دايىندىق جۇمىستارىن دەر كەزىندە اياقتاپ, قالا تۇرعىندارىن ۋاقتىلى جىلۋمەن قامتۋدى قاتاڭ تاپسىردى.

مۇنان كەيىن گ.ابدىقالىقوۆا ءا.بوكەيحانوۆ كوشەسىندە "نۇرلى جەر" باعدارلاماسى اياسىندا جۇزەگە اسىرىلىپ جاتقان ۋت-15ا ماگيسترالدى جىلۋ جەلىلەرىن قايتا قۇرۋ جوباسىن نازارعا الدى. ۇزىندىعى 1 567 مەتر جىلۋ جەلىسىن "اۆانگارد" جشس قايتا جۇرگىزۋدە.

"پاندەميا ۋاقىتىندا ءبىز تۇرعىنداردىڭ دەنساۋلىعىنا اسا ءمان بەرۋىمىز قاجەت. قازىرگى ۋاقىتتا كۇن سۋىپ كەلەدى. سوندىقتان قالا حالقىنا دەر كەزىندە جىلۋ بەرىپ, ولاردىڭ "تۇماۋ" سەكىلدى اۋرۋلارعا شالدىعۋىنىڭ الدىن الايىق. ول ءۇشىن مەردىگەر مەكەمە وسى جۇمىستى 10 قازانعا دەيىن اياقتاپ, قالالىقتاردىڭ توڭباۋىنا جۇمىس جاساۋى ءتيىس", دەدى ءوڭىر باسشىسى.

سونداي-اق وبلىس اكىمى №15 اۆتونومدى بلوكتى-ءمودۋلدى قازاندىعىنىڭ جۇمىسىن دا كوردى. "اراي-2" شاعىن اۋدانىندا ورنالاسقان "قىزىلورداجىلۋەلەكترورتالىعىنا"  قاراستى قازاندىق 2015 جىلى پايدالانۋعا بەرىلگەن. قازاندىق وسى اۋدانداعى 19 كوپقاباتتى ءۇيدى جىلۋمەن قامتاماسىز ەتەدى.

سىرداريانىڭ سول جاعالاۋىنداعى ۇيلەردى جىلۋمەن قامتاماسىز ەتەتىن اۆتونومدى بلوكتى-ءمودۋلدى قازاندىعىنىڭ قۇرىلىسى دا 15 قازانعا دەيىن تولىق اياقتالادى دەپ جوسپارلانۋدا. بۇگىندە سىيىمدىلىعى 2 دانا سۋ قويماسىنىڭ قۇرىلىس-مونتاج جۇمىستارى, قازاندىققا قاجەتتى جوعارعى قىسىمدى گاز قۇبىرلارىن, اۋىز سۋ قۇبىرلارىن تارتىپ, قازاندىقتى مونتاجداۋ, عيماراتتىڭ ىشكى بولمەلەرىن سالۋ, مورجالارىنىڭ مونتاجداۋ جانە ىشكى قۇبىرلارىن جۇرگىزۋ جۇمىستارى جۇرگىزىلگەن.

كەلىسىمشارت بويىنشا قۇرىلىستى اياقتاۋ جەلتوقسان ايى دەپ بەلگىلەنگەنمەن, مەردىگەر مەكەمە جىلۋ ماۋسىمىنىڭ باستالۋىنا دەيىن جۇمىستى تولىق ورىندايتىندىعىن جەتكىزدى. ايماق باسشىسى قازاندىق قۇرىلىسىن ساپالى اياقتاپ, سول جاعالاۋداعى 32 كوپقاباتتى ءۇي مەن 2 الەۋمەتتىك نىساندى دەر كەزىندە جىلۋ جۇيەسىنە قوسۋدى تاپسىردى.

وبلىس اكىمى گ.ابدىقالىقوۆا "قىزىلورداجىلۋەلەكترورتالىعىنا" دا باردى. ورتالىقتىڭ بيىلعى جىلىتۋ ماۋسىمىنا نەگىزگى جابدىقتارىن دايىنداۋ ماقساتىندا "جۇمىسپەن قامتۋ 2020 جول كارتاسى" باعدارلاماسى شەڭبەرىندە 1022 ملن. تەڭگە ءبولىندى. وسىنىڭ ارقاسىندا 156 ادام جۇمىسقا ورنالاستى. اتالمىش جىلۋمەن جابدىقتاۋ ايماعىنىڭ جىلۋ ەنەرگياسىن 995 نىسان تۇتىنادى. ونىڭ ىشىندە 365 كوپقاباتتى ءۇي, 29 مەكتەپ, 13 بالاباقشا, 9 مەديتسينالىق مەكەمەنى جىلۋمەن قامتاماسىز ەتەدى. سونىمەن قاتار, قۋاتتىلىعى 113,2 مۆت ەلەكتر ەنەرگياسىن وندىرەدى.

ايماق باسشىسى بۇدان ءارى سالىنىپ جاتقان 200 ورىنعا ارنالعان مودۋلدىك ۇلگىدەگى جۇقپالى اۋرۋلار اۋرۋحاناسىنىڭ قۇرىلىسىمەن تانىستى. اۋرۋحانا قازان ايىنىڭ سوڭىنا دەيىن تولىق ىسكە قوسىلادى دەپ جوسپارلانعان. گ.ابدىقالىقوۆا پاندەميا ۋاقىتىندا ەمدەۋ مەمەكەلەرى بارلىق جاعدايعا دايىن بولىپ, ەش بوساڭسۋعا بولمايتىنىن ەسكەرتتى.