قىلمىستىق كودەكسكە «قىلمىسقا ارانداتۋ» دەگەن 412-1-باپ ەنگىزىلەدى, ول تەك پاراقورلىقپەن شەكتەلمەي, كەز كەلگەن قىلمىستى قامتيتىن بولادى. بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى ولجاس بەكتەنوۆ ورتالىق كوممۋنيكاتسيالار قىزمەتىندە وتكەن بريفينگتە مالىمدەدى.
سپيكەر جەدەل-ىزدەستىرۋ قىزمەتىن نەمەسە سوتقا دەيىنگى تەرگەپ-تەكسەرۋدى جۇزەگە اسىراتىن لاۋازىمدى ادامنىڭ, كەيىننەن اشكەرەلەۋ جانە قىلمىستىق جاۋاپقا تارتۋ نەمەسە بوپسالاۋ ماقساتىندا ادامدى قىلمىس جاساۋعا كوندىرگەن زاڭسىز ارەكەتتەرى, قىلمىستىڭ ارانداتۋىنا جاتاتىنىن اتاپ ءوتتى.
«جازانىڭ ەڭ تومەنگى شەگى – 7 جىلعا دەيىن مەرزىمگە, بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ايىرا وتىرىپ, 3 جىل باس بوستاندىعىنان ايىرۋ. ەڭ جوعارعى سانكتسيا – بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ون جىل مەرزىمگە ايىرا وتىرىپ, 12 جىلعا باس بوستاندىعىنان ايىرۋ», - دەپ اتاپ ءوتتى و. بەكتەنوۆ.
جازا زاڭسىز ارەكەتتەردىڭ زورلىق-زومبىلىقپەن نە كۇش قولدانۋ قاتەرىمەن ۇشتاسقانىنا, م ۇلىكتىڭ جويىلۋىنا نەمەسە ب ۇلىنۋىنە اكەپ سوققانىنا, نە ادامنىڭ ماتەريالدىق نەمەسە وزگە دە تاۋەلدىلىگىن پايدالانا وتىرىپ جاسالعانىنا, قىلمىستىق توپتىڭ مۇددەلەرىندە جاسالعانىنا, نەمەسە وزگە دە اۋىر زارداپتارعا اكەپ سوققانىنا قاراي تاعايىندالاتىن بولادى.