ىندەت كەزىندە ىلگەرى شەپتە جۇرگەن دارىگەرلەردىڭ ەڭبەگىن ەلى ەسكەرۋسىز قالدىرماۋدا. پاندەميا كەزىندە اق حالاتتى ابزال جاندار وزدەرىنىڭ كاسىبي بورىشىن ابىرويمەن ورىندادى. جۇقپالى اۋرۋمەن كۇرەسۋدە ەشتەڭەگە قاراماي جەكە باستارىن قاۋىپ-قاتەرگە تىگىپ, جۇمىسىن جالعاستىرعان بارلىق اق حالاتتىلارعا قانشا العىس بىلدىرسەك تە جەتكىلىكسىز. كاسىپوداققا COVID-19-بەن كۇرەسۋدە الدىڭعى قاتاردا تۇرعان مەديتسينا قىزمەتكەرلەرىنىڭ ءوز كۇشتەرىن قالپىنا كەلتىرۋى وتە ماڭىزدى, دەيدى تۇرعىندار.
دارىگەرلەرگە قۇرمەت كورسەتۋدە «SENIM» دەنساۋلىق ساقتاۋ جۇيەسى جۇمىسكەرلەرىنىڭ سالالىق كاسىپتىك وداعى» رقب ماڭعىستاۋ وبلىستىق فيليالى دا قالىس قالىپ جاتقان جوق. كەشە عانا ىندەت جۇقتىرىپ قايتىس بولعان دارىگەرلەردىڭ وتباسىنا 3 ملن تەڭگە قارجى بولگەن ولار ەندى COVID-19 ىندەتىن جۇقتىرىپ, اۋىرعان مەديتسينا قىزمەتكەرلەرىن تەگىن جولدامالارمەن قامتاماسىز ەتۋدە. ياعني «SENIM» كاسىپوداعىنىڭ ماڭعىستاۋ وبلىستىق فيليالى مەديتسينا قىزمەتكەرلەرىن قولداۋعا جانە ولارعا دەنساۋلىعىن قالپىنا كەلتىرۋگە مۇمكىندىك بەرۋگە شەشىم قابىلدادى. ءوز مىندەتتەرىن ورىنداۋ كەزىندە ىندەتتى جۇقتىرعان جانە كوروناۆيرۋستىق ينفەكتسيامەن اۋىر نەمەسە ورتاشا تۇردە اۋىرعان كاسىپوداق مۇشەلەرى كاسىپوداق قاراجاتى ەسەبىنەن ەلىمىزدىڭ ەمدىك شيپاجايلارىندا تەگىن ەمدەلە الادى.
بۇل باعىتتا كاسىپوداق پەن شيپاجايلار اراسىندا كەلىسىم جاسالىپ, جولدامالار ساتىپ الىندى. بۇگىنگى تاڭدا وڭىردەگى مەديتسينالىق ۇيىمدارعا 100 پايىزدىق تولەممەن 50 جولداما ءبولىندى.
قيىن كەزدە ءبىرىن-ءبىرى قولداپ, قورعاعان حالقىمىزدىڭ قانداي قيىندىقتان دا قايمىقپاي شىعارى انىق.
ماڭعىستاۋ وبلىسى