ساۋدا جانە ينتەگراتسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ قىزمەتكەرلەرى بۇگىنگە دەيىن «بەك ەير» كومپانياسى اقشاسىن قايتارماعان ازاماتتاردىڭ مۇددەلەرىن قورعاۋ جۇمىستارىن جالعاستىرۋدا.
قازىرگى ۋاقىتتا الماتى قالاسى تۇركسىب اۋداندىق سوتىمەن ءۇشىنشى تالاپ قارالۋدا. وندا كوميتەت 482 ادامنىڭ مۇددەسىن بىلدىرەدى (30 ملن تەڭگەدەن استام سوماعا 845 بيلەت).
2020 جىلعى 2 قازانداعى سوت وتىرىسى بارىسىندا ءىستى جان-جاقتى جانە وبەكتيۆتى قاراۋ ءۇشىن كوميتەت سوتتان جاۋاپكەردەن جازباشا دالەلدەمەلەردى تالاپ ەتۋگە, پروكۋروردى, «قازاقستاننىڭ اۆياتسيالىق اكىمشىلىگى» اق-تىڭ ۋاكىلەتتى ۇيىمىن, بيلەت ساتۋ جونىندەگى اگەنتتەرىن, سونداي-اق كوميتەت مۇددەلەرىن بىلدىرەتىن ازاماتتاردى سوتقا قاتىسۋعا تارتۋ تۋرالى ءوتىنىش ءبىلدىردى.
الايدا بۇل وتىنىشتەردى سوت قولدامادى جانە قابىلدامادى.
سونىمەن قاتار كوميتەت زاڭنامالىق شەڭبەردە تۇتىنۋشىلاردىڭ قاراجاتىن قايتارۋى بويىنشا بارلىق قاجەتتى شارالاردى قابىلداۋدى جالعاستىرادى.
كەلەسى سوت وتىرىسى 2020 جىلعى 13 قازاندا ساعات 15:00-گە تاعايىندالدى.