قالالىق ۆولونتەرلەر شتابى الماتى اۋدانى اكىمدىگىمەن بىرلەسە وتىرىپ, اۋدانداعى 50 قارتقا الەۋمەتتىك كومەك كورسەتتى, دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.
«قالالىق شتاب ەرىكتىلەرى ەگدە جاستاعى جاندارعا تۇراقتى كومەك كورسەتىپ كەلەدى.
قىركۇيەك-قازان ايلارىندا دا كومەككە مۇقتاج جانداردىڭ اۋلاسىن, ءۇي-ءىشىن تازالاپ, 30-عا جۋىعىنا ارنايى ازىق-ت ۇلىك سەبەتىن جەتكىزدىك. ءبىز ارداگەرلەرگە قانداي كومەك قاجەت ەكەنى تۋرالى اقپاراتتى اۋداندىق اردەگەرلەر كەڭەسىنەن ءبىلىپ وتىرامىز. ولار بىزگە ناقتى ءتىزىم بەرەدى. قارتتار كۇنىنىڭ اياسىندا الماتى اۋدانى اكىمدىگىمەن بىرلەسە وتىرىپ, اۋدانداعى 50 قارتقا الەۋمەتتىك كومەك كورسەتتىك», - دەيدى نۇر-سۇلتان قالالىق جاستار ساياساتى باسقارماسىنىڭ ءبولىم باسشىسى اقۇلان تاستەمىر.
ەلوردالىق ەرىكتىلەر شتابى «ۆولونتەرلەر جىلى» اياسىندا جالعىزباستى قارتتارعا, ۇوس ارداگەرلەرىنە, تىل ەڭبەگى ارداگەرلەرىنە, مۇگەدەك زەينەتكەرلەرگە تۇراقتى كومەك كورسەتىپ كەلەدى.
«جىل باسىنان بەرى جۇزدەن استام قارتتىڭ اۋلاسىن قوقىستان تازارتىپ, ءۇي-شارۋاسىنا كومەكتەسۋ, ازىق-ت ۇلىكتەرىن اكەلىپ بەرۋ سەكىلدى جۇمىستاردى اتقارىپ كەلەمىز. جەڭىستىڭ 75-جىلدىعىنا ارناپ, ارداگەرلەردىڭ اۋلاسىندا مەملەكەتتىك اكادەميالىق فيلارمونياسىمەن بىرگە, اۆتوبۋسپەن شاعىن كونتسەرتتىك باعدارلاما دا ۇسىندىق. سايكەسىنشە, تۇرمىسقا قاجەتتى الەۋمەتتىك سەبەتتەر دە تاراتىلدى. قورعانىس مينيسترلىگىمەن بىرىگىپ, تىل ەڭبەگى ارداگەرلەرىنە مەدالدارىن تابىس ەتۋمەن دە اينالىستىق. سەبەبى كارانتين كەزىندە قارتتاردىڭ سىرتقا شىعۋى قاۋىپتى ەدى. سونىمەن قاتار, ءدارى-دارمەكتەر مەن ۆيرۋستان قورعانۋ قۇرالدارىن دا تاراتتىق», - دەيدى اقۇلان تاستەمىر.
بۇگىنگە دەيىن از قامىتىلعان 150-دەن استام قارتقا ازىق-ت ۇلىك سەبەتتەرى تابىستالعان.
ايتا كەتەيىك, كومەك قاجەت ەتەتىن ەگدە جاستاعى ازاماتتاي 109 Iكomek ورتالىعىنا ءوتىنىش بەرە الادى.