قارجى مينيسترلىگىنىڭ مەملەكەتتىك كىرىستەر كوميتەتى كەدەندىك اكىمشىلەندىرۋدى تسيفرلاندىرۋ جانە جاڭعىرتۋ شەڭبەرىندە, 2020 جىلعى 15 قىركۇيەكتەن باستاپ كوميتەتتە "ەلەكتروندىق دەكلاراتسيالاۋ ورتالىعى" پيلوتتىق جوباسى ىسكە قوسىلعانىن حابارلادى, دەپ جازادى Egemen.kz.
پيلوتتىق جوبانىڭ ماقساتى تاۋارلاردى ىشكى تۇتىنۋ ءۇشىن راسىمدەۋ كەزىندە كوميتەتتىڭ قۇرىلىمدىق بولىمشەسى دەڭگەيىندە كەدەندىك وزگە دە قۇجاتتاردى جانە (نەمەسە) مالىمەتتەردى تەكسەرۋ نىسانىندا, كەدەندىك باقىلاۋدى بارىنشا ورتالىقتاندىرۋ ارقىلى كەدەندىك اكىمشىلەندىرۋ دەڭگەيىن ارتتىرۋ.
"پيلوتتىق جوبادا كەدەندىك قۇندى انىقتاۋىنا, تاۋارلاردى جىكتەۋدىڭ دۇرىستىعىنا,سونداي-اق جەڭىلدىكتەر مەن بوساتۋلار بەرۋدىڭ زاڭدىلىعىنا قۇجاتتىق باقىلاۋ جۇزەگە اسىرىلادى. بۇل رەتتە تەكسەرۋ ءۇشىن, قاجەتتى قۇجاتتار مەن مالىمەتتەردى سىرتقى ەكونوميكالىق قىزمەتكە قاتىسۋشىلار استانا-1 اج ارقىلى ۇسىنادى", دەلىنگەن اقپاراتتا.
ءبىرىنشى كەزەڭدە اقمولا, اتىراۋ, قوستاناي جانە سولتۇستىك قازاقستان وبلىستارى بويىنشا مەملەكەتتىك كىرىستەر دەپارتامەنتتەرىنىڭ كەدەن بەكەتتەرى پيلوتقا قوسىلدى. الداعى ۋاقىتتا باسقا اۋماقتىق مەملەكەتتىك كىرىستەر ورگاندارىن بىرتىندەپ قوسۋ جوسپارلانۋدا.
ەلەكتروندى دەكلاراتسيالاۋ ورتالىعىندا راسىمدەۋدىڭ ارتىقشىلىقتارى:
- تاۋارلاردىڭ كەدەندىك قۇنىن باقىلاۋ پروتسەسى كوميتەتى دەڭگەيىندە ورتالىقتاندىرۋ, بۇل باعا ساياساتىمەن قابىلداناتىن شەشىمدەردىڭ بىركەلكىلىگىنە اكەلەدى;
- تەكسەرۋشى ۋاكىلەتتى لاۋازىمدى تۇلعامەن دەكلارانتتىڭ بايلانىسى جويىلۋ, ويتكەنى بارلىق ءوزارا ءىس-قيمىل اقپاراتتىق جۇيە ارقىلى تەك ەلەكتروندىق نىساندا جۇرگىزىلەدى;
- سىرتقى ساۋدا جۇكتەرىنىڭ لوگيستيكاسىنا ارنالعان شىعىنداردى وڭتايلاندىرۋ, سەبەبى تاۋاردى دەكلاراتسيالاۋ ءۇشىن دەكلارانتتىڭ ورنالاسقان جەرى ماڭىزدى ەمەس, بۇل رەتتە تاۋارلار كەز كەلگەن شەكارا ماڭىنداعى تەرمينالداردا ورنالاستىرىلۋى مۇمكىن.