پالاتا توراعاسى ماۋلەن اشىمباەۆتىڭ توراعالىق ەتۋىمەن وتكەن سەنات بيۋروسىنىڭ وتىرىسىندا دەپۋتاتتار پالاتانىڭ الداعى وتىرىسىنىڭ كۇن ءتارتىبىن تالقىلادى جانە ماجىلىستەن كەلىپ تۇسكەن زاڭ جوبالارىن كوميتەتتەر اراسىندا ءبولىنىپ بەرىلدى, دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.
دەپۋتاتتار 2020 جىلعى 8 قازان بەيسەنبىدە سەنات وتىرىسىندا "قازاقستان رەسپۋبليكاسى مەن ۋكراينا اراسىنداعى قىلمىستىق ىستەر بويىنشا قۇقىقتىق كومەك تۋرالى شارتتى راتيفيكاتسيالاۋ تۋرالى" زاڭ جوباسىن قارايتىن بولدى.
بيۋرو مۇشەلەرى الەۋمەتتىك-مادەني دامۋ جانە عىلىم كوميتەتى وتىرىسىنىڭ قورىتىندىسى بويىنشا اقپاراتتى تىڭدادى, وندا دەپۋتاتتار ەلىمىزدەگى مەديتسينالىق قىزمەتتەردىڭ ساپاسى, قولجەتىمدىلىگى جانە دامۋ كەلەشەگى ماسەلەلەرىن تالقىلاعان بولاتىن. سەناتورلار قارجى جانە بيۋدجەت كوميتەتى مۇشەلەرىنىڭ ء"تورتىنشى دەڭگەيدەگى بيۋدجەت جانە جەرگىلىكتى ءوزىن-ءوزى باسقارۋدىڭ قارجىلىق تۇراقتىلىعى: پروبلەمالار جانە ولاردى شەشۋ جولدارى" تاقىرىبى بويىنشا دوڭگەلەك ۇستەلگە دايىندىق اياسىندا اقمولا وبلىسىنا ساپارىنىڭ ناتيجەلەرىن جەكە تالقىلادى.
سەنات بيۋروسىنىڭ وتىرىسىندا ماۋلەن اشىمباەۆ 2020 جىلعى 16 قازاندا ء"بىلىم بەرۋ, دەنساۋلىق ساقتاۋ, جۇمىسپەن قامتۋ سالالارىنداعى تسيفرلاندىرۋ: جاي-كۇيى, قولجەتىمدىلىگى جانە قاۋىپسىزدىگى" تاقىرىبى بويىنشا ماڭىزدى ۇكىمەت ساعاتى شاراسى وتەتىنىن ەسكە سالدى.
سونىمەن قاتار بيۋرودا ماجىلىستەن كەلىپ تۇسكەن زاڭ جوبالارى ءبولىنىپ بەرىلدى. كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتى "قازاقستان رەسپۋبليكاسىنىڭ ۇكىمەتى مەن بەلارۋس رەسپۋبليكاسىنىڭ ۇكىمەتى اراسىنداعى كوشى-قون سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى" زاڭ جوباسى بويىنشا باس كوميتەت بولىپ بەلگىلەندى. حالىقارالىق قاتىناستار, قورعانىس جانە قاۋىپسىزدىك كوميتەتىنە "قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ مەملەكەتتىك شەكاراسىن كۇزەتۋ جانە ۇلتتىق قاۋىپسىزدىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسى بويىنشا قورىتىندى ازىرلەۋ تاپسىرىلدى.