بۇل كۇندەرى ماجارستاننىڭ سومباتحەي قالاسىندا سپورتتىق گيمناستيكادان الەم كۋبوگى ءوتىپ جاتىر. حالىقارالىق تۋرنيرگە قاتىسىپ جاتقان قازاقستاندىق سپورتشىلار جارىستىڭ العاشقى كۇنىندە تۇعىردىڭ ەڭ بيىك ساتىسىنان كورىندى.
الەمدىك دودانىڭ ءبىرىنشى جارىس كۇنىندە ونەر كورسەتكەن جەرلەسىمىز ناريمان كۋربانوۆ سپورتتىق ات سناريادى بويىنشا قارسىلاستارىنان قارا ءۇزىپ, الەم كۋبوگىنىڭ جەڭىمپازى اتاندى. سونىمەن قاتار ەركىن جاتتىعۋ بويىنشا سايىسقا تۇسكەن ءىلياس ازيزوۆ التىن جۇلدەگە سىنىق سۇيەم قالعاندا ءسۇرىنىپ, جارىستى ەكىنشى ورىنمەن اياقتادى.
سونداي-اق قازاقستان قۇراماسىنىڭ تاعى ءبىر وكىلى ميلاد كاريمي فينالدا 3 سانات بويىنشا باق سىنايدى.