ورالدا ءۇش بالا كولىكپەن بىرگە سۋعا باتىپ كەتتى

وكىنىشكە قاراي, بالالاردى قۇتقارۋ مۇمكىن بولماعان.

وقىس وقيعا تۋرالى 3 قازان كۇنى كەشكى ساعات 17.00. شاماسىندا پوليتسيا مەن توتەنشەلىكتەرگە بەلگىسىز ايەل حابارلاپتى.

"پوليتسيانىڭ كەزەكشى بولىمىنە حابار ساعات 16.55.-تە تۇسكەن. سۋىت حاباردى الىسىمەن وقيعا ورنىنا ەڭ جاقىن جۇرگەن پوليتسيا ءپاترۋلى جەدەل اتتاندى. پوليتسيا قىزمەتكەرلەرى بارعان مەزەتتە وزەنگە سەكىرىپ, تۇگەل سۋعا باتىپ كەتكەن كولىكتىڭ ارتقى اينەگىن قولىمەن ۇرىپ سىندىرعان. الايدا ءبارى كەش بولدى", دەيدى باتىس قازاقستان وبلىستىق پوليتسيا دەپارتامەنتىنىڭ ءباسپاسوز حاتشىسى بولاتبەك بەلگىبەكوۆ.

توتەنشە جاعدايلار باسقارماسى جەدەل قۇتقارۋ جاساعى سۋدان الىپ شىققان كولىكتە 2011, 2013 جانە 2014 جىلى تۋعان بالالاردىڭ دەنەسى تابىلدى.

ازىرگە بەلگىلىسى بالالاردىڭ ەكەۋى ءبىر ءۇيدىڭ بالالارى بولىپ شىقتى. اتا-انالارى بالالارىن الىپ, تابيعات اياسىنا دەمالۋعا شىققان. قازىر پوليتسيا قىزمەتكەرلەرى وقيعانىڭ قالاي بولعانىن تەرگەپ, تەكسەرىپ جاتىر.

"وسى وقيعا بويىنشا قازاقستان رەسپۋبليكاسى قىلمىستىق كودەكسىنىڭ 140 بابى, 2 ءبولىمى بويىنشا قىلمىستىق ءىس قوزعالىپ, كەيىن 119 باپتىڭ 4 تارماعىنا اۋىستىرىلدى", دەپ حابارلادى پوليتسيانىڭ ءباسپاسوز قىزمەتى.

ايتا كەتەيىك, مۇنداعى 140 باپ – كامەلەتكە تولماعان ادامدى تاربيەلەۋ جونiندەگi مiندەتتەردi ورىنداماۋ نەمەسە تيىسىنشە ورىنداماۋ بولسا, 119 باپتا – ءوزiن ءوزى ساقتاپ قالاتىن مۇمكiندiگi جوق ادامدى كورiنەۋ كومەكسiز قالدىرۋعا قاتىستى قىلمىستار قاراستىرىلادى.