قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ سولتۇستىك قازاقستان وبلىسى بويىنشا اۋماقتىق دەپارتامەنتى «ەگەمەن قازاقستان» گازەتىنىڭ ۇستىمىزدەگى جىلعى 31 قازانداعى نومىرىندە جاريالانعان «جەمقورلىق جوق دەگەنگە كىم سەنەدى؟» اتتى ماقالاعا وراي تومەندەگى جايلاردى حابارلايدى.
قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ سولتۇستىك قازاقستان وبلىسى بويىنشا اۋماقتىق دەپارتامەنتى «ەگەمەن قازاقستان» گازەتىنىڭ ۇستىمىزدەگى جىلعى 31 قازانداعى نومىرىندە جاريالانعان «جەمقورلىق جوق دەگەنگە كىم سەنەدى؟» اتتى ماقالاعا وراي تومەندەگى جايلاردى حابارلايدى.
تارتىپتىك كەڭەسكە بيىلعى جىلدىڭ 6 تامىزىندا كوممۋنالدىق تۇرعىن ءۇي قورىنان تۇرعىن ءۇي بەرۋ بارىسىندا «سىبايلاس جەمقورلىققا قارسى كۇرەس تۋرالى» زاڭنىڭ 12-بابى 1-تارماعى 10-تارماقشاسىندا كوزدەلگەن سىبايلاس جەمقورلىققا جاعداي تۋعىزاتىن قۇقىق بۇزۋشىلىق جىبەرگەنى ءۇشىن پەتروپاۆل قالاسى پروكۋرورىنىڭ تۇرعىن ءۇي كوميسسياسىنا شارا قولدانۋ تۋرالى ۇسىنىسى ءتۇستى. ونى كەڭەس وتىرىسىنا دايىنداۋ بارىسىندا پروكۋراتۋرانىڭ وبلىس جانە قالا اكىمدىكتەرى اتىنا دا ۇسىنىستار جولداعانى بەلگىلى بولدى. وسىعان سايكەس, قالا تۇرعىن ءۇي-كوممۋنالدىق شارۋاشىلىعى, جولاۋشىلار كولiگi جانە اۆتوموبيل جولدارى ءبولiمi سەكتور مەڭگەرۋشىسى مەن ينسپەكتورى تارتىپتىك جاۋاپكەرشىلىككە تارتىلعان. ال تارتىپتىك كەڭەس حاتشىلىعى ۇسىنىسقا سايكەس تەكسەرىس جۇرگىزىپ, ناتيجەسىندە قىزمەتتەرىندە جىبەرىلگەن سىبايلاس جەمقورلىققا جاعداي تۋعىزاتىن قۇقىق بۇزۋشىلىق دەرەكتەرى بولعان تۇرعىن ءۇي كوميسسياسى مۇشەلەرىنە قاتىستى تارتىپتىك ءىس قوزعادى. كەڭەس وتىرىسىنا دەيىن ونىڭ ءمۇشەلەرىنە الدىن الا زەردەلەۋ ءۇشىن ءتارتىپتىك ىستەر قۇجاتتارىنىڭ كوشىرمەلەرى جىبەرىلدى.
پروكۋروردىڭ ۇسىنىسىندا كورسەتىلگەن دەرەكتەردى تالقىلاۋ بارىسىندا تارتىپتىك كەڭەس مۇشەلەرىنىڭ پىكىرلەرى ەكىگە جارىلدى. اتاپ ايتقاندا, كەڭەس توراعاسى مەن كەڭەس مۇشەسى «قىزىلجار-اقپارات» جشس ديرەكتورى تۇرعىن ءۇي كوميسسياسى مۇشەلەرىنىڭ ءىس-ارەكەتتەرىندە سىبايلاس جەمقورلىق قۇقىق بۇزۋشىلىقتار بار دەپ ەسەپتەپ, ولاردى جەمقورلىققا جاعداي تۋعىزاتىن قۇقىق بۇزۋشىلىق جاساعاندارى ءۇشىن جاۋاپكەرشىلىككە تارتۋدى ۇسىندى. قالعان كەڭەس مۇشەلەرى ۇسىنىستا كورسەتىلگەن دالەلدەردىڭ 2006-2008 جىلدارعى وبلىستىق پروكۋراتۋرانىڭ اكتىلەرىنە قايشى كەلەتىنىنە نازار اۋداردى. ول اكتىلەرگە سايكەس تۇرعىن ءۇي جاعدايىن جاقسارتۋعا مۇقتاج تۇلعالارعا تۇرعىن ءۇي ۇسىنۋدان باس تارتۋ (نورماتيۆتەرگە سايكەس كەلمەيتىن) زاڭسىز بولىپ تابىلادى, وتباسىنىڭ باسقا مۇشەلەرىنىڭ ورتاق مەنشىك قۇقىعىنداعى تۇرعىن ءۇيى بار تۇلعالار تۇرعىن ۇيلەرى جوق دەپ تانىلادى جانە ەسەپتەن شىعارۋعا جاتپايدى. سوندىقتان, كەڭەس مۇشەلەرىنىڭ باسىم كوپشىلىگى پروكۋروردىڭ ۇسىنىسىندا كورسەتىلگەن تۇرعىن ءۇي كوميسسياسى ءبىر ادامعا ەكىنشى رەت ءۇي بەردى دەگەن ايىپتى نەگىزسىز دەپ تاپتى.
بۇدان باسقا, كەڭەس مۇشەلەرى تۇرعىن ءۇي كوميسسيالارى تۋرالى ۇلگىلىك ەرەجەدە م ۇلىكتىڭ بار-جوقتىعى تۋرالى سۇراۋدى جالپى رەسپۋبليكالىق دەڭگەيدە انىقتاۋ قاجەتتىلىگى تىكەلەي كورسەتىلمەگەنىنە نازار اۋدارىپ, ۇسىنىستا اتالعان كەمشىلىكتەر تۇرعىن ءۇي كوميسسياسى مۇشەلەرىنىڭ ءىس-ارەكەتتەرىنەن ەمەس, قۇجاتتاردى دايىنداعان مامانداردىڭ كىناسىنەن جىبەرىلگەن دەگەن پىكىرگە توقتالدى. سونىمەن قاتار, ءىستى قاراۋ بارىسىندا قالا پروكۋرورى كەڭەس مۇشەلەرىنىڭ سۇراعىنا تۇرعىن ءۇي كوميسسياسىمەن ازاماتتارعا تۇرعىن ءۇي ۇسىنعاندا كەزەكتىلىكتىڭ بۇزىلماعانى تۋرالى تۇسىنىكتەمە بەردى. ناتيجەسىندە, تارتىپتىك كەڭەس توراعاسى جانە كەڭەس مۇشەسى «قىزىلجار-اقپارات» جشس ديرەكتورى تۇرعىن ءۇي كوميسسياسى ارەكەتىندە سىبايلاس جەمقورلىق قۇقىق بۇزۋشىلىق بار دەپ ەسەپتەپ, ءتيىستى جاۋاپكەرشىلىككە تارتۋ قاجەت دەپ داۋىس بەردى. ال قالعان تارتىپتىك كەڭەس مۇشەلەرى تۇرعىن ءۇي كوميسسيا مۇشەلەرىنىڭ ءىس-ارەكەتتەرىندە سىبايلاس جەمقورلىق قۇقىق بۇزۋشىلىق بەلگىلەرىنىڭ جوقتىعى جونىندە قورىتىندى جاساپ, تارتىپتىك ءىستى توقتاتۋ قاجەت دەپ داۋىس بەردى.
وتىرىس قورىتىندىسى بويىنشا, مەملەكەتتىك قىزمەت ىستەرى اگەنتتىگىنىڭ سولتۇستىك قازاقستان وبلىسى بويىنشا دەپارتامەنتى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنە جالپى رەسپۋبليكا اۋماعى بويىنشا جىلجىمايتىن م ۇلىكتىڭ بار-جوقتىعى تۋرالى سۇراۋدى جولداۋدى كوميسسيا مىندەتتەرىنە قوسۋ جونىندە تۇرعىن ءۇي ۇلگىلىك ەرەجەسىنە وزگەرىستەر ەنگىزۋ تۋرالى ۇسىنىس حات جولدادى.
مۇرات قادىربەك,
مەملەكەتتىك قىزمەت ىستەرى اگەنتتىگى سولتۇستىك قازاقستان وبلىسى
بويىنشا اۋماقتىق دەپارتامەنتىنىڭ
باسشىسى, تارتىپتىك كەڭەس توراعاسى.