داۋىس بەرۋ ءالى دە جالعاسادى. «Nur Otan» پارتياسى وبلىستىق فيليالىنىڭ ءباسپاسوز حاتشىسى پارتيا مۇشەلەرىنىڭ ونلاين رەجىمدە بەلسەندى داۋىس بەرىپ جاتقانىن مالىمدەدى. 1-قازاننان باستاپ داۋىس بەرۋگە كىرىسكەن قوستانايلىقتار كادرلىق رەزەرۆتىڭ مىقتى ازاماتتارمەن تولىعۋىنا مۇددەلى. قازىردىڭ وزىندە 19 276 ادام داۋىس بەرىپ ۇلگەردى.
پرايمەريزگە وبلىستىڭ بارلىق اۋدان-قالالارىنان 800 ادام قاتىسىپ جاتىر. ونىڭ 222-ءسى باستاۋىش پارتيا ۇيىمدارىنىڭ وكىلدەرى, ال 578 ادام ءوزىن-ءوزى ۇسىنىپ وتىر. ۇمىتكەرلەردىڭ 349-ى – ايەل ادامدار بولسا, 243-ءى - جاستار. وبلىس بويىنشا ءبىر ورىنعا ورتا ەسەپپەن 3 ۇمىتكەردەن كەلىپ تۇر.
1-3 قازان ارالىعىندا وتەتىن داۋىس بەرۋگە شامامەن 45 مىڭنان استام پارتيا مۇشەسى قاتىسادى. ول ءۇشىن ارنايى 156 ورىن بەلگىلەنگەن. 109 ورىندا داۋىس بەرۋ ونلاين فورماتتا جۇرەدى. 47 ورىندا پارتيا مۇشەلەرى ءداستۇرلى قاعاز بيۋللەتەنىمەن داۋىس بەرەدى.
داۋىس بەرۋ 3 قازان كۇنى ساعات 14-00-دە توقتاتىلادى.
قوستاناي وبلىسى