الداعى ۇستازداردىڭ كاسىبي مەرەكەسىنە وراي جامبىلدىق مۇعالىمدەر قۇتتىقتاۋلارعا يە بولا باستادى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
مۇعالىمدەر كۇنى قارساڭىندا دوستىق ۇيىندە جامبىل وبلىسىنىڭ اكىمى بەردىبەك ساپارباەۆتىڭ قاتىسۋىمەن سالتاناتتى شارا ءوتتى.
"ساپالى ءبىلىم – كەز-كەلگەن پروگرەستىڭ نەگىزى. سوندىقتان ەلىمىزدىڭ جەتىستىگى مەن وركەندەۋى سىزدەردىڭ ۇيلەسىمدى جۇمىستارىڭىزعا بايلانىستى. مۇعالىمدەردىڭ توگىلگەن ماڭداي تەرى وزدەرى وقىتقان, سول بىلىممەن بيىكتەرگە جەتە بىلگەن شاكىرتتەرىنىڭ العىسىمەن وتەلەدى.
سىزدەر وسكەلەڭ ۇرپاقتىڭ ءبىلىمى مەن تاربيەسىن دامىتۋعا ەرەكشە ۇلەس قوسىپ, ەلىمىزگە زور پايدا اكەلەسىزدەر. سىزدەر تەك وقىتىپ قانا قويماي, ءوز وقۋشىلارىڭىزدىڭ قابىلەتتەرىن اشۋعا, ولارعا جەتىستىككە جەتۋگە باۋليسىزدار", - دەدى وبلىس اكىمى.
بۇگىنگى تاڭدا مۇعالىمدەر وزدەرىنىڭ مەملەكەتتىڭ قامقورلىعىندا ەكەنىن سەزىنە وتىرىپ, وزدەرىنە دەگەن سەنىمدىلىكتەرىن ارتتىرا تۇسۋدە. وتكەن جىلى پرەزيدەنت قاسىم-جومارت توقاەۆ "پەداگوگ مارتەبەسى تۋرالى" زاڭعا قول قويدى.
"سول ساتتەن بەرى ءبىلىم بەرۋ سالاسىندا جاڭا كەزەڭ باستالدى. مۇنىڭ ءبارى ءبىلىم بەرۋ جۇيەسىنىڭ حالىقارالىق ستاندارتتارعا ساي بولۋى ءۇشىن جاسالۋدا. تاۋەلسىزدىكتىڭ العاشقى كۇندەرىنەن باستاپ مۇعالىمدەرگە ماڭىزدى مىندەت قويىلدى, ول – باسەكەگە قابىلەتتى ۇرپاق تاربيەلەۋ", - دەدى وبلىس اكىمى.
ول ءۇش اۋىسىمدى جانە اپاتتى جاعدايداعى مەكتەپتەردى جويۋ جۇمىستارى تۋرالى قىسقاشا توقتالىپ ءوتتى.
"بيىلعى جىلى 42 مەكتەپكە كۇردەلى جوندەۋ جۇرگىزۋگە, 22 ءبىلىم بەرۋ نىسانىن سالۋعا قاراجات ءبولىندى. ەگەر كوروناۆيرۋستىڭ تارالۋ قاۋپى سەيىلسە, ەكىنشى توقساندا بالالار ءداستۇرلى ءبىلىم بەرۋ فورماتىنا ورالادى. بۇعان مەكتەپتەر, مۇعالىمدەر مەن اتا-انالار قازىردەن دايىندالۋى ءتيىس", - دەپ اتاپ ءوتتى وبلىس اكىمى.
سالتاناتتى شارا ءوزىنىڭ كاسىبي بىلىكتىلىگىن بىرنەشە رەت دالەلدەگەن ۇزدىك مۇعالىمدەردى ماراپاتتاۋ راسىمىمەن جالعاستى.
بيىل بارلىعى جەتى مۇعالىم "ۇزدىك پەداگوگ-2020" وبلىستىق بايقاۋىنىڭ جۇلدەگەرى اتاندى. ولار وبلىس اكىمىنىڭ العىس حاتتارىمەن جانە اقشالاي سەرتيفيكاتتارمەن ماراپاتتالدى.
وسكەلەڭ ۇرپاقتى تاربيەلەۋگە ەلەۋلى ۇلەس قوسقان سەگىز مۇعالىم وبلىس اكىمىنىڭ العىس حاتتارىمەن جانە قۇرمەت گراموتالارىنا يە بولدى.
قوسىمشا جانە ارنايى ءبىلىم بەرۋ ۇيىمدارىنىڭ بەس پەداگوگىنا اقشالاي سەرتيفيكاتتار تابىستالدى.
بارلىق ماراپاتتالۋشىلار ۇنەمى جوعارى ناتيجە كورسەتىپ, وقۋشىلارى الەمدىك جانە حالىقارالىق وليمپيادالاردىڭ جەڭىمپازدارى اتانعانىپ جۇرگەندەر.
"ۇزدىك مۇعالىم - 2020" رەسپۋبليكالىق بايقاۋىنىڭ قورىتىندىسى بويىنشا جامبىلدىق ءتورت مۇعالىم جوعارى دارەجەگە يە بولدى. ولاردىڭ اراسىندا دارىندى بالالارعا ارنالعان مامانداندىرىلعان IT ليتسەي-ينتەرناتىنىڭ تاريح ءپانىنىڭ مۇعالىمى جانار جانعازيەۆا دا بار. ول دا وبلىس اكىمىنىڭ العىس حاتىمەن ماراپاتتالدى.
"مەنىڭ مۇعالىم بولىپ جۇمىس جاساعانىما 26 جىل بولدى. وسى ۋاقىت ىشىندە ءبىلىم بەرۋ سالاسى جاقسى جاعىنا قاراي ايتارلىقتاي وزگەرىپ كەلەدى. بيىل قاشىقتىقتان وقىتۋعا كوشۋدە ەلەۋلى ماسەلەلەرگە تاپ بولعانىمىز جاسىرىن ەمەس. دەگەنمەن, مۇعالىمدەر جاڭا جاعدايعا تەز يكەمدەلىپ, جۇمىستارىن ءساتتى جالعاستىرا الدى. بۇل ءبىزدىڭ بالالارىمىزدىڭ, ەلىمىزدىڭ بولاشاعى ءۇشىن ۇلكەن جاۋاپكەرشىلىك جۇكتەلەتىنىن تاعى دا دالەلدەي ءتۇستى. ارىپتەستەرىمە ءاردايىم شىعارماشىلىق شابىت پەن توزىمدىلىك تىلەيمىن", - دەدى جانار جانعاسيەۆا.