الاش ارىستارىنىڭ ءبىرى, جالىندى اقىن ماعجان جۇماباي ۇلى ايتقانداي, «التى الاشتىڭ بالاسى باس قوسسا, قادىرلى ورىن – مۇعالىمدىكى». ويتكەنى ۇستاز – تۇلعا قالىپتاستىراتىن جان. ال ادامنىڭ بولمىسىن, ۇستانىمىن, ومىرلىك جولىن ايقىنداپ, بەيمالىم الەمدى تانىپ, قوعامنان ءوزىن تاۋىپ, تۇعىرىنا قونۋدا تەمىرقازىق ىسپەتتى جول كورسەتۋدەن اسقان قانداي ۇلى ءىس بولۋى مۇمكىن.
ء«بىر ءارىپ ۇيرەتكەنگە قىرىق جىل سالەم بەر» دەيتىن قازاق قوعامىنا بيىلعى ۇستازدار مەرەكەسى ەرەكشە ەكەنى انىق. سەبەبى پاندەميا جايلاعالى بەرى ەلىمىزدەگى مەكتەپتەر قاشىقتان وقىتۋ فورماتىنا كوشىپ, اتا-انالار مەن وقۋشىلار, جالپى قوعام بولىپ ءبىراز ابىگەرگە تۇستىك. سوندا ەڭ الدىمەن مۇعالىمدەردىڭ قادىرى ارتتى. ولاردىڭ ەڭبەگى قانشالىقتى ولشەۋسىز ەكەنىن, تەحنيكا مەن تەحنولوگيانىڭ دامىعان داۋىرىندە دە ۇستازدىڭ ءرولىن ەشتەڭە الماستىرا المايتىنىن جەتە ۇعىندىق. بۇعان قوسا قوعامدا قىزۋ تالقىعا ءتۇسىپ قابىلدانعان «پەداگوگ مارتەبەسى تۋرالى» زاڭ دا بيىل كۇشىنە ەندى. بولاشاقتى تاربيەلەيتىن پەداگوگتىڭ مارتەبەسى وزگە ماماندىقتارعا قاراعاندا ەرەكشە.
سونداي-اق مەملەكەت باسشىسى ق.توقاەۆتىڭ تاپسىرماسىمەن مۇعالىمدەردىڭ جالاقىسى جىل باسىندا 25 پايىزعا ءوستى. بۇل جۇمىس الداعى 3 جىلدا ۇزدىكسىز جۇزەگە اسىپ وتىرادى. ال بولاشاق پەداگوگتەردىڭ ستيپەندياسى 42 مىڭ تەڭگەگە ارتتى.
وسى رەتتە مۇعالىمدەرگە ارنالعان ماقالالار توپتاماسىن ۇسىنىپ وتىرمىز.
مۇعالىم كۇنىنە ارنالعان ماقالالاردىڭ جالعاسى 4-5 بەتتەردەن وقيسىزدار