ماڭعىستاۋ وبلىسىنىڭ پوليتسيا باستىعى, پوليتسيا گەنەرال-مايورى جاناربەك باقتىباەۆتىڭ تاپسىرماسى نەگىزىندە ماڭعىستاۋ وبلىسى دپ ارداگەرلەر كەڭەسىنىڭ توراعاسى ن.جاريەۆ, پد كادر ساياساتى باسقارماسىنىڭ باستىعى ق.باقتىگەرەەۆ جانە پد تەرگەۋ باسقارماسى باستىعىنىڭ ورىنباسارى ن.بيشەحانوۆ پوليتسيا قىزمەتكەرلەرىمەن بىرگە سول كۇنى ىشكى ىستەر ءبولىمىنىڭ ارداگەرلەرى قۇسپان بەرجانوۆ پەن بەكبولات رامازانوۆتى قۇتتىقتادى. بۇل تۋرالى ماڭعىستاۋ وبلىسى پوليتسيا دەپارتامەنتىنىڭ ءباسپاسوز قىزمەتى حابارلادى.
قىزمەتكەرلەر ارداگەرلەردى قارتتار كۇنىمەن قۇتتىقتاپ, زور دەنساۋلىق, ۇزاق عۇمىر, بەيبىتشىلىك, مەيىرىمدىلىك پەن باق-بەرەكە تىلەپ, قىزمەتتەگى كوپ جىلدىق ەڭبەكتەرى ءۇشىن العىس ءبىلدىرىپ, سىيلىقتار تابىستادى. سونىمەن قاتار ءدال وسىنداي قايىرىمدىلىق نيەتپەن وبلىستىق پوليتسيا دەپارتامەنتىنىڭ قالالىق جانە اۋداندىق بولىمدەرىنىڭ باسشىلىعى قارت تۇرعىنداردىڭ ۇيلەرىنە بارىپ, ولاردى مەرەكەمەن قۇتتىقتاپ, سىيلىقتار تابىستادى.
ء"بىز ۇلى وتان سوعىسىنىڭ, ىشكى ىستەر ورگاندارىنىڭ ارداگەرلەرىن ارقاشان ريزاشىلىقپەن ەسكە الامىز. ولار ءبىز ءۇشىن وتانعا قىزمەت ەتۋدىڭ ۇلگىسى. ۇلكەندەردى سىيلاۋ, قۇرمەتتەۋ ءبىزدىڭ مىندەتىمىز. ءبىزدىڭ ۇرپاق ءبىزدىڭ ءومىرىمىز بەن جۇمىسىمىزدا ولاردىڭ باتىلدىعى مەن ادالدىعىن باسشىلىققا الادى. ماڭعىستاۋ وبلىسىنىڭ پوليتسيا دەپارتامەنتى بارلىق قارت ادامداردى, ۇلى وتان سوعىسىنىڭ ارداگەرلەرىن قارتتار كۇنىمەن شىن جۇرەكتەن قۇتتىقتايدى جانە ۇزاق ءومىر, زور دەنساۋلىق تىلەيدى", دەدى ماڭعىستاۋ وبلىسىنىڭ پد باسشىسى ج.باقتىباەۆ.