قۇقىق بۇزۋشىلىقتىڭ الدىن الۋدى كۇشەيتۋ ماقساتىندا ەلوردالىق پوليتسيا دەپارتامەنتىنىڭ قىزمەتكەرلەرى ءار ۋچاسكەنى ماكسيمالدى پىسىقتاۋ جۇمىستارىن جۇرگىزەدى. «ۋچاسكە» جەدەل الدىن الۋ شاراسى باستالعاننان بەرى جەتى مىڭعا جۋىق اكىمشىلىك قۇقىق بۇزۋشىلىقتار, ونىڭ ىشىندە قوعامدىق ورىنداردا الكوگولدىك ىشىمدىك ءىشۋ, بۇزاقىلىق, ازاماتتاردى زاڭسىز تىركەۋ جانە باسقالارى انىقتالدى, دەپ حابارلايدى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.
قازىرگى ۋاقىتتا بارلىعى 102 مىڭنان استام تۇرعىن الاپقا ارالاۋ جۇرگىزىلدى.
"سارىارقا اۋدانىندا اۋلالاردى ارالاۋ كەزىندە سومكەسىندەگى 2 ميلليون 200 مىڭ تەڭگەسىن جوعالتقان ايەل ۋچاسكەلىك ينسپەكتورعا جۇگىندى. ۋچاسكەلىك پوليتسيا ينسپەكتورلارى – اعا لەيتەنانت ورالحان ابيتوۆ پەن اعا لەيتەنانت كەنجەباي مۇساەۆتىڭ جەدەل جۇمىسىنىڭ ارقاسىندا شاعىم يەسىنىڭ بۇرىنعى جۇبايى قاماۋعا الىنىپ, اقشانى العانىن مويىندادى", – دەپ اتاپ ءوتتى پوليتسيا دەپارتامەنتىندە.
سونداي-اق اۋداندىق باسقارمالاردىڭ ۋچاسكەلىك ينسپەكتورلارى ازاماتتىق قارۋ يەلەرىن تەكسەردى. تەكسەرىلگەن 3464 ادامنىڭ 54-ىندە ءارتۇرلى بۇزۋشىلىقتار انىقتالدى.
سونىمەن قاتار تۇرعىندارمەن جانە تۇرعىن ءۇي مەن م ۇلىك يەلەرى بىرلەستىكتەرىنىڭ قىزمەت كورسەتۋ ۇيىمدارى توراعالارىمەن ەسەپ بەرۋ كەزدەسۋلەرى ۇنەمى وتكىزىلىپ تۇرادى. جەدەل الدىن الۋ شاراسى باستالعاننان بەرى 95 كەزدەسۋ ۇيىمداستىرىلدى. سونداي-اق كاسىپكەرلىك نىساندارىندا كارانتين ءتارتىبىنىڭ ساقتالۋىن تەكسەرۋ بويىنشا رەيدتەر جالعاسۋدا.