جىل سايىن قىركۇيەك ايىندا دۇنيەجۇزىلىك قان قاتەرلى ىسىگىنە قارسى كۇرەس كۇنى اتاپ وتىلەدى, دەپ حابارلايدى Egemen.kz.
ءىس-شارا قالىڭ جۇرتشىلىقتىڭ نازارىن اۋدارۋعا جانە حالىقتىڭ قان جۇيەسىنىڭ قاتەرلى اۋرۋلارى, ولاردىڭ بەلگىلەرى, ەرتە دياگنوستيكالاۋ جانە الدىن الۋ تۋرالى حاباردار بولۋى دەڭگەيىن ارتتىرۋعا باعىتتالعان.
دۇنيەجۇزىلىك قان قاتەرلى ىسىگىنە قارسى كۇرەس كۇنى اياسىندا 30 قىركۇيەك كۇنى الماتىدا اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ عيماراتى قان ءتۇزۋ جۇيەسىنىڭ اۋرۋىمەن اۋىراتىن پاتسيەنتتەردى قولداۋ جانە حالىقتىڭ قان وبىرى تۋرالى حاباردار بولۋى دەڭگەيىن ارتتىرۋدىڭ بەلگىسى رەتىندە قىزىل تۇسپەن جارىقتاندىرىلدى.
جىل سايىن شامامەن 5000 ادام قاننىڭ ونكولوگيالىق اۋرۋلارىنا ۇشىرايدى. قازاقستانداعى ستاتيستيكا بويىنشا, قان قاتەرلى ىسىگى كەڭ تارالعان ونكولوگيالىق اۋرۋلاردىڭ وندىعىنا كىرەدى. سوڭعى ون جىل ىشىندە اۋرۋدىڭ ازداپ ءوسۋ تەندەنتسياسى بايقالادى. الەمنىڭ وزگە بولىكتەرىندە دە ۇقساس جاعداي ورىن العان. وتكەن عاسىردىڭ سوڭىندا پاتسيەنتتەردىڭ شامامەن 60% - ى مۇنداي دياگنوزدى جەڭە المادى. بۇگىنگى تاڭدا زاماناۋي مەديتسينا وبىردان بولاتىن ءولىمدى ازايتۋعا مۇمكىندىك بەرەدى, ال بولاشاقتا ونكولوگيانىڭ بۇل ءتۇرى تولىقتاي ەمدەلۋى مۇمكىن.