تابيعاتتى قورعاۋ پوليتسياسىنىڭ قىزمەتكەرلەرى ەرەكشە قورعاۋعا الىنعان قىزىل جەمساۋلى قاراشا قازدى اتقان قامىستى اۋدانىنىڭ ەكى تۇرعىنىن قاماۋعا الدى. كۇدىكتىلەردى تەكسەرۋ بارىسىندا ولاردىڭ سيرەك كەزدەسەتىن بىرنەشە دالا ۇيرەگى مەن وتۇيرەكتەردى دە اتىپ العانى انىقتالدى, دەپ حابارلايدى Egemen.kz.
"قوستاناي وبلىسىندا اڭ اۋلاۋ ماۋسىمىنا بايلانىستى رەيد شارالارى كۇشەيتىلدى. كەزەكتى رەيد بارىسىندا قىزىل كىتاپقا ەنگەن قۇستارعا وق اتۋ اتۋ دەرەگى تىركەلىپ وتىر. كۇدىكتىلەردەن تابىلعان اڭشى مىلتىعى مەن وقتار تاركىلەنىپ الىندى. قازىر قامىستى اۋداندىق پوليتسيا ءبولىمى "زاڭسىز اڭ اۋلاۋ" بابى بويىنشا قىلمىستىق ءىس قوزعاپ, تەرگەۋ شارالارىن جۇرگىزىپ جاتىر", - دەدى قوستاناي وبلىسى پد تابيعاتتى قورعاۋ پوليتسياسى بولىمشەسىنىڭ باستىعى تالعات احمەتوۆ.
تەرگەۋ بارىسىندا سوتتىق-مەديتسينالىق, بيولوگيالىق, تراسسولوگيالىق, بالليستيكالىق ساراپتامالار تاعايىندالىپ, مەملەكەتكە كەلتىرىلگەن شىعىن كولەمى ەسەپتەلۋدە.
قوستاناي وبلىسى