بۇگىن قالا اكىمىنىڭ ورىنباسارى ەرجان باباقۇماروۆ مەگاپوليستەگى مەديتسينا قىزمەتكەرلەرىنە ۇستەماقى تولەۋگە بايلانىستى كەيبىر ەمحانا جەتەكشىلەرىنە ەسكەرتۋ جاسادى, دەپ حابارلايدى Egemen.kz.
الماتى قالاسى اكىمىنىڭ تاپسىرماسى بويىنشا اكىمنىڭ ورىنباسارى ەرجان باباقۇماروۆ مەديتسينالىق مەكەمەلەردىڭ باسشىلىعىمەن ەپيدەمياعا قارسى شارالارعا جۇمىلدىرىلعان دەنساۋلىق ساقتاۋ ۇيىمدارىنىڭ قىزمەتكەرلەرىنە جالاقىعا ۇستەماقى تولەۋ ماسەلەلەرى بويىنشا جۇمىس جينالىسىن وتكىزدى.
وعان قالالىق قوعامدىق دەنساۋلىق ساقتاۋ باسقارماسىنىڭ باسشىسى ك.نادىروۆ, تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى – باس مەملەكەتتىك سانيتار دارىگەر ج. بەكشين, قر دەنساۋلىق ساقتاۋ مينيسترلىگىنىڭ "رەسپۋبليكالىق ەلەكتروندىق دەنساۋلىق ساقتاۋ ورتالىعى" شجق رمك الماتى قالالىق فيليالىنىڭ باسشىسى گ. ىسقاقوۆا, سونداي-اق قالانىڭ مەديتسينالىق مەكەمەلەرىنىڭ باس دارىگەرلەرى قاتىستى.
مەديتسينالىق قىزمەتكەرلەر اراسىندا ىندەت جۇقتىرۋ جاعدايى بويىنشا الەۋمەتتىك تولەمدەرگە ەرەكشە نازار اۋدارىلدى. قازىرگى ۋاقىتتا ءتيىستى تولەمدەر جۇرگىزىلۋدە, سونىمەن بىرگە قاجەتتى قۇجاتتاردى كەشىكتىرۋ نەمەسە دۇرىس رەسىمدەمەۋ ماسەلەلەرى بار.
وسىعان بايلانىستى, ەرجان باباقۇماروۆ وسىنداي دۇرىس ىستەلمەگەن جۇمىستارى ءۇشىن ەمحانالاردىڭ باسشىلارىنا, اتاپ ايتقاندا, №1 قالالىق كلينيكالىق اۋرۋحانانىڭ باس دارىگەرى - ە. قاليەۆكە, №7 قالالىق كلينيكالىق اۋرۋحانانىڭ باس دارىگەرى – م.رامازانوۆقا, ورتالىق قالالىق كلينيكالىق اۋرۋحانانىڭ باس دارىگەرى – ن.تابىنباەۆقا, قالالىق بالالار كلينيكالىق جۇقپالى اۋترۋلار اۋرۋحاناسى – ە.سەرالينگە, قالالىق جەدەل كومەك كورسەتۋ اۋرۋحاناسىنىڭ باس دارىگەرى – ا.دجۋۆاشەۆكە, قالالىق پاللياتيۆتىك كومەك ورتالىعىنىڭ باس دارىگەرى – ە.زاتىبەكوۆاعا, فتيزيوپۋلمونولوگيا ۇلتتىق عىلىمي ورتالىعى – م.ادەنوۆكە, №1 كوپسالالى مەديتسينالىق ورتالىق–ج.ساپيەۆاعا ەسكەرتۋ جاسادى.
الماتى قالاسىنىڭ قوعامدىق دەنساۋلىق باسقارماسىنا پاندەميامەن كۇرەسكە جۇمىلدىرىلعان مەديتسينالىق مەكەمەلەردىڭ قىزمەتكەرلەرىنە تيەسىلى بارلىق تولەمدەردى تولىق جانە ۋاقتىلى جۇزەگە اسىرۋ ءۇشىن ءتيىستى قۇجاتتاردى ەنگىزۋ جونىندە شارالار قابىلداۋ تاپسىرىلدى.
سونىمەن قاتار, اي سايىن ناقتى جۇمىس ىستەگەن ساعاتتار بويىنشا مەديتسينالىق ۇيىمداردىڭ قىزمەتكەرلەرىنە قاۋىپ توپتارى بويىنشا ۇستەمەاقىلار تولەنەدى. الماتى قالاسى بويىنشا COVID-19-عا قارسى كۇرەس اياسىندا ەپيدەمياعا قارسى ءىس-شارالارعا تارتىلعان ۇيىمداردىڭ قىزمەتكەرلەرىنە ۇستەماقى تولەۋگە ارنالعان سوما وسى جىلدىڭ ناۋرىز ايىنان باستاپ 6 اي ىشىندە 11 ملرد تەڭگەدەن استام سومانى قۇرادى. ايلار بويىنشا تولەمدەر سوماسى:- ناۋرىزدا 3 766 مەديتسينا قىزمەتكەرى 1,2 ملرد تەڭگە سوماعا;- ءساۋىر ايىندا 5 474 مەديتسينا قىزمەتكەرى 1,5 ملرد تەڭگە سوماعا;- مامىر ايىندا 5 043 مەديتسينا قىزمەتكەرى 1,5 ملرد تەڭگە سوماعا;- ماۋسىم ايىندا 5 432 مەديتسينا قىزمەتكەرى 1,8 ملرد تەڭگە سوماعا;- شىلدەدە 7 541 مەديتسينا قىزمەتكەرى 2,7 ملرد تەڭگە سوماعا;- تامىز ايىندا سوماسى 2,6 ملرد تەڭگەگە 6 623 مەديتسينا قىزمەتكەرىنە تولەم بەرىلدى.