كولساي كولدەرى يۋنەسكو-نىڭ مۇرالار تىزىمىنە ەنگىزىلۋى مۇمكىن

زوولوگيا ينستيتۋتىنىڭ باس ديرەكتورى, يۋنەسكو-نىڭ "ادام جانە بيوسفەرا" باعدارلاماسىنىڭ قازاقستانداعى ۇلتتىق كوميتەتىنىڭ توراعاسى رومان ياششەنكو بىلاي دەيدى: "كەشە پاريجدەگى ديپلوماتتارىمىز "كولساي كولدەرى" جوباسىن يۋنەسكو-نىڭ مۇرالار تىزىمىنە ەنگىزۋ تۋرالى ءوتىنىم بەرگەنىن حابارلاعىم كەلەدى. ءبىزدىڭ وتىنىشىمىزگە باعالاۋ جۇرگىزىلەدى جانە كەلەسى جىلدىڭ ماۋسىم ايىندا بۇل ماسەلە شەشىمىن تابادى دەگەن ويدامىن".

يۋنەسكو-نىڭ بۇكىلالەمدىك مۇرالار ءتىزىمىنىڭ باستى مىندەتى – ەرەكشە كۇتىمدى قاجەت ەتەتىن تابيعي نىسانداردى قورعاۋ. سونداي-اق تابيعي مۇرالاردى تانىمال ەتە وتىرىپ, مادەني ءارى ەكولوگيالىق بايلانىسىن ارتتىرۋ.

ايتا كەتەيىك, كولدەر جۇيەسى جوعارعى, ورتا, تومەنگى كولساي كولدەرىن بىرىكتىرەدى. ۇشەۋىنىڭ اربىرىندە وزىنە ءتان تىلسىم سىرى, سيپاتتاۋعا كەلمەيتىن, ءسوز جەتپەس سۇلۋلىعى بار. سول تاماشانىڭ بارلىعىن تانىتۋ ماقساتىندا كولدەرگە اپاراتىن ءتۇرلى جاياۋ جورىقتار, اتتى ەكسكۋرسيالار جانە سەرۋەندەر ءجيى ۇيىمداستىرىلىپ تۇرادى.