بۇل تۋرالى اقوردانىڭ ءباسپاسوز قىزمەتى حابارلادى, دەپ جازادى Egemen.kz.
قايرات ەرمەك ۇلى وماروۆ قازاقستان رەسپۋبليكاسىنىڭ اۆستريا رەسپۋبليكاسىنداعى توتەنشە جانە وكىلەتتى ەلشىسى, قازاقستان رەسپۋبليكاسىنىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى قىزمەتىنە تاعايىندالدى, ول قازاقستان رەسپۋبليكاسىنىڭ بىرىككەن ۇلتتار ۇيىمى جانىنداعى تۇراقتى وكىلى قىزمەتىنەن بوساتىلدى;
ماعجان جانبوتا ۇلى ءىلياسوۆ قازاقستان رەسپۋبليكاسىنىڭ بىرىككەن ۇلتتار ۇيىمى جانىنداعى تۇراقتى وكىلى قىزمەتىنە تاعايىندالدى, ول قازاقستان رەسپۋبليكاسىنىڭ نيدەرلاند كورولدىگىندەگى توتەنشە جانە وكىلەتتى ەلشىسى قىزمەتىنەن, حيميالىق قارۋعا تىيىم سالۋ جونىندەگى ۇيىم جانىنداعى قازاقستان رەسپۋبليكاسىنىڭ تۇراقتى وكىلى قىزمەتىن قوسا اتقارۋدان بوساتىلدى;
اسقار قۋانىش ۇلى جۇماعاليەۆ قازاقستان رەسپۋبليكاسىنىڭ نيدەرلاند كورولدىگىندەگى توتەنشە جانە وكىلەتتى ەلشىسى, حيميالىق قارۋعا تىيىم سالۋ جونىندەگى ۇيىم جانىنداعى قازاقستان رەسپۋبليكاسىنىڭ تۇراقتى وكىلى قىزمەتىن قوسا اتقارۋشى قىزمەتىنە تاعايىندالدى.
سونىمەن قاتار, مەملەكەت باسشىسىنىڭ جارلىعىمەن قايرات شورا ۇلى سارىباي قازاقستان رەسپۋبليكاسىنىڭ اۆستريا رەسپۋبليكاسىنداعى توتەنشە جانە وكىلەتتى ەلشىسى, قازاقستان رەسپۋبليكاسىنىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى قىزمەتىنەن, قازاقستان رەسپۋبليكاسىنىڭ سلوۆەنيا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى.