كەيىنگى كەزدە اۋىل اكىمدىكتەرى ءوز بيۋدجەتتەرىن قالىپتاستىرۋ مەن باسقارۋعا مۇمكىندىك الىپ وتىر. سەناتتىڭ قارجى جانە بيۋدجەت كوميتەتىندە اۋىل اكىمدىكتەرىنىڭ بيۋدجەتىن قالىپتاستىرۋ مەن باسقارۋ تەتىكتەرىن جەتىلدىرۋ قاجەت ەتەتىنى ايتىلعان بولاتىن. ءىس جۇزىندە بۇل سالادا بىرقاتار قيىندىقتار كورىنىس تابۋدا. سەناتورلار وسىعان بايلانىستى جەرگىلىكتى جەرلەردە اۋىلدىق وكرۋگتەر بيۋدجەتىنىڭ قالىپتاسۋىن كورۋ جانە ونىڭ كۇردەلى پروبلەمالاردى شەشۋگە جەتكىلىكتى بولۋىن زەردەلەۋ ءۇشىن اۋدانداردا ساپاردا بولدى, دەپ حابارلايدى Egemen.kz.
قارجى جانە بيۋدجەت كوميتەتىنىڭ توراعاسى ولگا پەرەپەچينا اقمولا وبلىسىنداعى ارشالى اۋدانى باسشىلىعىمەن كەزدەسۋدە قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ اۋىلدىق بيۋدجەتتەردى پايدالانۋدىڭ جاڭا سيپاتىن 2012 جىلى بەكىتكەنىن ايتتى.
"2012 جىلى بەكىتىلگەن جەرگىلىكتى ءوزىن-ءوزى باسقارۋ تۇجىرىمداماسىنىڭ نەگىزگى مىندەتتەرىنىڭ ءبىرى – اۋىل اكىمدىكتەرىنىڭ بيۋدجەتتى وزدەرى قالىپتاستىرۋى مەن وعان يەلىك ەتۋدەگى قارجىلىق جانە ەكونوميكالىق دەربەستىگىن كەڭەيتۋ بولدى. مەملەكەت باسشىسى 2020 جىلعى 1 قىركۇيەكتەگى جولداۋىندا دا جەرگىلىكتى بيلىك ورگاندارىنا بيۋدجەتتىك دەربەستىك بەرۋ تۋرالى ايتتى", دەپ اتاپ ءوتتى ولگا پەرەپەچينا.
ءتورتىنشى دەڭگەيدەگى بيۋدجەت اۋىل اكىمدىكتەرىنە ورتالىق ورگانداردان تاۋەلسىز بولۋعا, اۋىل پروبلەمالارىن وزدەرى شەشەتىندەي بيۋدجەتتى دەربەس قالىپتاستىرۋعا جانە بولۋگە مۇمكىندىك بەرەدى. وسىنىڭ ءبارى اۋىل تۇرعىندارىنىڭ قاجەتتىلىكتەرىن ەسكەرۋگە, سول ارقىلى اۋىلداعى ءومىر ءسۇرۋ ساپاسىن جاقسارتۋعا ىقپال ەتەدى.
دەگەنمەن, سەناتور ولگا پەرەپەچينانىڭ ايتۋىنشا, تاجىريبە كورسەتىپ وتىرعانداي, جەرگىلىكتى جەرلەردە ءتورتىنشى دەڭگەيدەگى بيۋدجەتتى ەنگىزۋ كەزىندە سۇراقتار مەن پروبلەمالار تۋىنداپ وتىر. ولاردىڭ ىشىندە جەرگىلىكتى ءوزىن-ءوزى باسقارۋ بيۋدجەتتەرىنىڭ تەڭسىزدىگى, بىلىكتى كادرلاردىڭ جەتىسپەۋشىلىگى, مەملەكەتتىك ورگانداردىڭ اقپاراتتىق بازالارىنىڭ وقشاۋلىعى جانە باسقا دا ماسەلەلەر بار.
بيۋدجەتتىڭ تەڭسىزدىگىنىڭ نەگىزگى سەبەبى – اۋىل بيۋدجەتتەرىنىڭ ءوز كىرىستەرىمەن قامتاماسىز ەتىلۋدىڭ تومەندىگى جانە ول جاپپاي ورىن الىپ وتىر. وسىلايشا, اۋىلدىق وكرۋگتەردىڭ شىعىستارىن قارجىلاندىرۋدىڭ نەگىزگى كوزى جوعارعى بيۋدجەتتەردەن بەرىلەتىن سۋبۆەنتسيالار مەن نىسانالى ترانسفەرتتەر بولىپ قالا بەرەدى.
سەناتورلاردىڭ پىكىرىنشە, وسى سالاداعى پروبلەمالاردى ەگجەي-تەگجەيلى زەردەلەپ, ولاردى جويۋ ءۇشىن ءتيىستى شارالار قابىلداۋ قاجەت.