قازاقستاندا قوسىمشا قانشا ءوجج اپپاراتى ساتىپ الىنادى

"وسى جىلدىڭ قازان ايىنىڭ سوڭىنا دەيىن 11 وبلىس ورتالىعى مەن الماتى قالاسىندا 3 100 توسەكتىك 13 ءمودۋلدى جۇقپالى اۋرۋلار اۋرۋحاناسىن سالۋدى اياقتاۋ, سونداي-اق ەكى نىساندى جوندەۋ جوسپارلانۋدا. قازىرگى ۋاقىتتا ينفەكتسيالىق جانە پروۆيزورلىق ستاتسيونارلاردا 3 379 ءوجج اپپاراتى بار, قوسىمشا 2 619 بىرلىك, ونىڭ ىشىندە 1 500 وتاندىق ءوندىرىس اپپاراتى ساتىپ الىنادى", - دەدى الەكسەي تسوي ۇكىمەت وتىرىسىندا.

ونىڭ ايتۋىنشا, قازىر ەلىمىزدە 21 مىڭنان استام توسەك وتتەگىمەن قامتاماسىز ەتىلگەن.

"قازان ايىنىڭ سوڭىنا دەيىن قوسىمشا 9 مىڭنان استام توسەك-ورىن قامتاماسىز ەتىلەدى. اۋداندىق اۋرۋحانالاردى قوسىمشا جاراقتاندىرۋ ءۇشىن 11 وڭىردە قولدا بار 132-گە قوسىمشا وتاندىق ءوندىرىستىڭ 53 رەنتگەن-اپپاراتى ساتىپ الىنادى. جەدەل مەديتسينالىق كومەك قىزمەتىن 2020 جىلى 1 167 سانيتارلىق اۆتوكولىكپەن جابدىقتاۋ جوسپارلانۋدا, ونىڭ ىشىندە 360 - ى قوسىمشا ساتىپ الىنادى", - دەپ اتاپ ءوتتى مينيستر.