قازاقستاندا 1 قىركۇيەكتەن باستاپ 104 مەكتەپ وقۋشىسى كوروناۆيرۋستى جۇقتىردى, ونىڭ 33-ءى كەزەكشىلىك ساباعىنا قاتىستى, دەپ دەنساۋلىق ساقتاۋ ءمينيسترى الەكسەي تسوي مالىمدەدى, دەپ حابارلايدى Egemen.kz
"وقۋ جىلىنىڭ باسىنان بەرى مەكتەپ وقۋشىلارى اراسىندا كوروناۆيرۋستىق ينفەكتسيانىڭ 104 جاعدايى تىركەلدى, ونىڭ ىشىندە كەزەكشى سىنىپتاردا وقيتىن بالالار اراسىندا 33. قاشىقتىقتان وقيتىن بالالار اراسىندا 71 جاعداي انىقتالدى", دەدى تسوي ۇكىمەت وتىرىسىندا.
ول 100% وففلاين وقىتۋ جاعدايىندا بايلانىس سانى كەم دەگەندە 1500 ادامعا دەيىن ارتىپ, وقۋشىلار, مەكتەپ قىزمەتكەرلەرى مەن وتباسى مۇشەلەرى اراسىندا اۋرۋشاڭدىقتىڭ كوبەيۋىنە اكەلەتىندىگىن اتاپ ءوتتى.
"وسىعان بايلانىستى اكىمدەر ءبىلىم بەرۋ ۇيىمدارىندا سانيتارلىق-دەزينفەكتسيالىق, ماسكا رەجيمىن, اۋديتوريا تازالىعى جانە باسقا دا COVID-19 پروفيلاكتيكاسى بويىنشا بەلگىلەنگەن تالاپتاردى قاتاڭ ساقتاۋدى قامتاماسىز ەتۋى كەرەك", دەدى مينيستر.