جولدىڭ ساپاسىن ارتتىرۋعا ارنالادى

اۆتوموبيل جولدارى سالاسىندا ماتەريالداردىڭ جۇمسالۋى مەن جول قۇرى­لىم­دارىنىڭ وزىندىك قۇنىن ەداۋىر قىسقارتۋعا, سونداي-اق جوندەۋارالىق مەرزىمدى ارتتىرا وتىرىپ, جول جا­مىل­عىسىنىڭ بەرىكتىگىن جاق­سارتۋعا مۇمكىندىك بەرە­تىن يننوۆاتسيالىق تەحنولو­گيا­لاردى ەنگىزۋ شارالارى جالعاسۋدا.

وسىلايشا, «QazAvtoJol» ۇك» اق, «UneedUs» جشس جانە «جول اكتيۆتەرى ساپا­سى­نىڭ ۇلتتىق ورتالىعى» شجق رمك بىرلەسىپ, تسەمەنت-بەتون جابىندىسىنا ارنالعان Contite سىڭىرمە قۇرامىن سىناۋ جۇمىستارىن جۇرگىزدى. جاڭا تەحنولوگيانى كوكشەتاۋ قالاسى ار­قىلى وتەتىن نۇر-سۇلتان – پەترو­پاۆل اۆتوموبيل جولىنىڭ 69 شاقىرىمىندا قولدانۋ ۇيعارىلدى.

«UneedUs» كومپانيا­سى­نىڭ مالىمەتىنشە, Contite سىڭىرمە قۇرامى – گيدرو­فيل­دىك, گيدروفوبتىق جانە گيدرو­سكوپيالىق سياقتى 3 قاسيەتكە يە بىرەگەي ءونىم. تەحنولوگيا جولدىڭ قىزمەت ەتۋ مەرزىمىن ۇلعايتىپ, تسەمەنت-بەتون جابىندىسىن حيميالىق رەاگەنتتەردەن, تۇزدان, قاتۋ جانە ەرۋ تسيكلدەرىنەن, باسقا دا فاكتورلاردان قورعاۋى ءتيىس. سىڭىرمە قۇرام بەتون جا­بىن­دىسىنا ءبىر رەت شاشىلادى. مەحانيزم بەتونداعى بوس ارادا كريستاللداردىڭ قالىپ­تاسۋىنىڭ نەگىزىندە اسەر ەتەدى.

تاجىريبەلىك شارالار جۇر­گىزىلىپ جاتقان جول ۋچاس­كەسىندە جاڭا تەحنولوگيانىڭ اسەرى زەرتتەلىپ, بايقالاتىن بولادى. تەحنولوگيا وڭ ناتيجەلەردى كور­سەتكەن جاعدايدا, تسەمەنت-بەتون جابىندىسىنىڭ سۋ مەن رەاگەنتتەردى ءسىڭىرۋى 1,8 ەسەگە ازايىپ, بەرىكتىگى 15-18%, سونداي-اق, ايازعا توزىمدىلىگى 2,5 ەسەگە كوتەرىلەدى دەپ كۇتىلۋدە.