ەلىمىزدە ءتورت وبلىس اۋماعىندا اۋا رايىنىڭ قولايسىزدىعىنا بايلانىستى ەسكەرتۋ جاريالاندى, دەپ حابارلايدى Egemen.kz. بۇل تۋرالى "قازگيدرومەت" ورتالىعى مالىمدەدى.
29-30 قىركۇيەكتە سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان ءتۇسۋى مۇمكىن. 29 قىركۇيەكتە سولتۇستىك-شىعىستان جەل سوعادى, كەي جەرلەردە كۇشى 15-20 م/س جەتەدى. 29-30 قىركۇيەكتە تۇندە جانە تاڭەرتەڭ پەتروپاۆلدا تۇمان تۇسەدى.
29 قىركۇيەكتە سولتۇستىك-شىعىستان جەل سوعادى, ەكپىنى 15-20 م/س جەتەدى. 29 قىركۇيەكتە قاراعاندى وبلىسىنىڭ كەي جەرلەرىندە سولتۇستىك-شىعىستان جەل سوعادى, كۇشى 15-20 م/س جەتۋى مۇمكىن.
ەرتەڭ تۇندە قاراعاندى قالاسىندا تۇمان ءتۇسۋى ىقتيمال. 29 قىركۇيەكتە اقمولا وبلىسىنىڭ كەي جەرلەرىندە تۇمان تۇسەدى. وڭتۇستىك-باتىستان سوققان جەل سولتۇستىك-شىعىسقا اۋىسادى, كەي جەرلەردە كۇشى 15-20 م/س جەتەدى.
ەرتەڭ تۇندە جانە تاڭەرتەڭ كوكشەتاۋدا تۇمان تۇسەدى. 29 قىركۇيەكتە قىزىلوردا وبلىسىندا سولتۇستىك-شىعىستان جەل سوعادى, كۇشى تۇندە كەي جەرلەردە 15-20 م/س جەتەدى, كۇندىز وبلىستىڭ باسىم بولىگىندە 15-20, كەي جەرلەرىندە 23 م/س جەل سوعادى. كەي جەرلەردە شاڭدى داۋىل تۇرادى.
تۇندە كەي جەرلەردە 1-3 گرادۋس ۇسىك جۇرەدى. كۇندىز توتەنشە ءورت قاۋپى ساقتالادى. ەرتەڭ تاڭەرتەڭ جانە كۇندىز قىزىلوردا قالاسىندا سولتۇستىك-شىعىستان ەكپىنى 15-20 م/س جەل, شاڭدى داۋىل سوعادى.