پاريجدە ءوتىپ جاتقان رولان گارروس تۋرنيرىندە قازاقستاندىق تەننيسشىلەر اراسىنان العاشقى بولىپ كورتقا يۋليا پۋتينتسەۆا شىعىپ, ءوز كورەرمەندەرىن قۋانتتى, دەپ حابارلايدى Egemen.kz.
جۇلدە قورى 38 000 000 ەۋرونى قۇرايتىن ايتۋلى جارىستىڭ العاشقى اينالىمىندا الەمدىك رەيتينگتە 27 ورىندا تۇرعان يۋليا پۋتينتسەۆا WTA تىزىمىندە 79 ساتىعا جايعاسقان بەلگيالىق كيرستەن فليپكەنسپەن كەزدەستى. 1 ساعات 9 مينۋتكە سوزىلعان بۇل باسەكەدە جەرلەسىمىزدىڭ ۇستەمدىگى ەش كۇمان تۋعىزعان جوق. ەسەپ – 6:1, 6:2. ەندى 30 تامىزدا يۋليا ارگەنتينالىق ناديا پودوروسكامەن (131 ورىن) شەبەرلىك بايقاسادى.
بۇگىن ميحايل كۋكۋشكين (87 ورىن) يتاليالىق فابيو فونينيمەن (15 ورىن), الەكساندر بۋبليك (56 ورىن) فرانتسيالىق گاەل مونفيسپەن (9 ورىن) كۇش سىناسادى.
ەرتەڭ تاعى قوس ارۋىمىز جارىس كورىگىن قىزدىرادى. زارينا دياس (77 ورىن) تۋنيستىك ونس جابەرمەن (35 ورىن), ال ەلەنا رىباكينا (18 ورىن) رۋمىنيالىق سورانا كرىستيامەن (83 ورىن) كەزدەسەدى.