قازىرگى ۋاقىتتا تمد ەلدەرىنىڭ سەيسميكاعا ءتوزىمدى قۇرىلىسى بويىنشا بازالىق ۇيىمنىڭ (سقبۇ) جۇمىسى شەڭبەرىندە تەمىر بەتون كولەمدى مودۋلدەر مەن ودان جاسالعان عيماراتتاردىڭ فراگمەنتتەرىن سىناۋعا ارنالعان ەكسپەريمەنتالدىق پوليگون قۇرىلىسىن دايىنداۋ بويىنشا جۇمىستار جۇرگىزىلۋدە.
2019 جىلى سقبۇ مارتەبەسى بەرىلگەن قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى («قازقسعزي» اق) «ينتەگرا. تەح» جشق (كراسنودار ق.) رەسەيلىك ارىپتەستەرىمەن بىرگە نۇر-سۇلتانداعى كولەمدى بلوكتاردى ەكسپەريمەنتتىك زەرتتەۋلەر سەرياسىن اياقتادى.
ءونىمنىڭ تىرەك قابىلەتىن تەكسەرۋ جانە «BI Group» حولدينگىنىڭ «ModeX Astana» تەحنولوگياسى بويىنشا جاڭا بۋىنداعى ەكسپەريمەنتتىك تۇرعىن ءۇي قۇرىلىسىن عىلىمي-تەحنيكالىق سۇيەمەلدەۋ جۇزەگە اسىرىلدى. كولەمدى مودۋلدەردى پايدالانۋ ارقىلى قۇرىلىس سالۋ قازاقستاندا قۇرىلىس مەرزىمدەرىنىڭ قىسقارۋى ەسەبىنەن كەڭ تانىمالدىلىققا يە بولۋدا.
قازقسعزي ينستيتۋتى وتكەن عاسىردىڭ ورتاسىنان باستاپ دامۋ تاريحى مەن ءارتۇرلى قاباتتى عيماراتتار مەن ءارتۇرلى كونسترۋكتيۆتىك جۇيەلەر ءۇشىن كولەمدى مودۋلدەردى قولدانۋدىڭ الەمدىك تاجىريبەسىن زەردەلەۋ بويىنشا اۋقىمدى تالدامالىق جۇمىس جۇرگىزدى.
تمد ەلدەرىندە جيناقتالعان ءبىلىم مەن شەتەلدىك يننوۆاتسيالىق ازىرلەمەلەر قازاقستاندا «ModeX Astana» زاۋىتىن سالۋ كەزىندە قولدانىلدى.
«وسى جۇمىستىڭ اياسىندا نۇر-سۇلتاندا قۇرىلىستاعى ەۋروپالىق ستاندارتتاردىڭ (ەۋروكودتاردىڭ) تالاپتارىن ەسكەرە وتىرىپ, كونسترۋكتسيالاردىڭ ستاتيستيكالىق تىك جۇكتەمەسىنە سىناۋلار جۇرگىزىلدى. سونىمەن قاتار بولاشاقتا سەيسميكاعا توزىمدىلىك زەرتتەۋلەرى الماتى قالاسىندا دا جالعاسادى دەگەن شەشىم قابىلداندى», دەدى «قازقسعزي»اق باس ديرەكتورى بەگمان كۋلباەۆ.
قازقسعزي باسشىسى وسى ماقساتتا ەكسپەريمەنتتىك ستەند سالۋ ءۇشىن الاڭ تاڭداۋ بويىنشا جۇمىس جۇرگىزىلىپ جاتقانىن ءتۇسىندىردى. كولەمدى بلوكتاردان جاسالعان كونسترۋكتسيالاردىڭ سەيسميكاعا توزىمدىلىك كورسەتكىشتەرىن انىقتاۋ ءۇشىن تابيعي ۆيبروديناميكالىق سىناۋلار جۇرگىزۋ قاجەت. قازىرگى ۋاقىتتا قازقسعزي ماماندارىمەن ءارتۇرلى قاباتتى جانە ءارتۇرلى سەيسميكالىق اسەرلەرى بار عيماراتتار ءۇشىن ماتەماتيكالىق سوڭعى ەلەمەنتتى ۇلگىلەرگە تالداۋ جۇرگىزىلىپ جاتىر. وسىدان كەيىن وسى زەرتتەۋگە قاجەتتى باعدارلاما مەن جابدىق تاڭدالاتىن بولادى.
«الماتىدا زاۋىت سالۋ مۇمكىندىگى تۋرالى تۇپكىلىكتى شەشىم ەكسپەريمەنتتىك زەرتتەۋلەر سەرياسىنىڭ قورىتىندىسى بويىنشا قابىلدانادى. الماتى – قازاقستاننىڭ باستى مەگاپوليستەرىنىڭ ءبىرى, ءمودۋلدى ءۇي قۇرىلىسى وسى قالادا سۇرانىسقا يە بولاتىنىنا سەنىمدىمىز», دەپ سانايدى «ينتەگرا. تەح» جشق باس ديرەكتورى يليا تەشەۆ.