وسىدان ءۇش جىل بۇرىن لوندونداعى قويمادان قۇنى 3,2 ميلليون دوللار تۇراتىن 200-گە جۋىق قۇندى كىتاپتار جوعالعان بولاتىن. ەندى سول ۇرلانعان كىتاپتار رۋمىنيانىڭ سولتۇستىك-شىعىسىنداعى نيامتس اۋىلدىق جەرىندەگى ءۇيدىڭ ەدەنىنىڭ استىنان تابىلدى.
قۇپيا ورىنعا XVI-XVII عاسىرلارعا جاتاتىن دانتە سۋرەتتەرىنىڭ سيرەك نۇسقالارى مەن يسپان سۋرەتشىسى فرانيسكو دە گويانىڭ ەسكيزدەرى, سونىمەن قاتار گاليلەي مەن يسااك نيۋتوننىڭ قولجازبالارى جاسىرىلعان.
«بۇل كىتاپتار ايرىقشا قۇندى, ونىڭ ۇستىنە حالىقارالىق مادەني مۇرا ءۇشىن اسا زور ماڭىزعا يە», دەيدى لوندوننىڭ قىلمىسپەن كۇرەس جونىندەگى باسقارماسىنىڭ وفيتسەرى ەندي دارەم. ايتا كەتەيىك, جۇمىستار لاس-ۆەگاستا وتەتىن كىتاپ اۋكتسيونىنا تاسىمالدانار الدىندا قويمادا ساقتالىپ, تيەۋگە ءبىر ساعات قالعاندا ۇرلانعان ەدى.
لوندون پوليتسياسىنىڭ مالىمدەمەسىندە ايتىلعانداي, قىلمىستىق توپ كۇللى ۇلىبريتانيانىڭ قىمبات قويمالارىنان جاسالعان ۇرلىقتار سەرياسى ءۇشىن جاۋاپتى. بۇل قىلمىستار كلامپارۋ قىلمىستىق كلانىنىڭ قۇرامىنا كىرەتىن بىرقاتار اتىشۋلى رۋمىندىق كريمينالدىق وتباسىلارمەن بايلانىستى ەكەن.