قر بعم عىلىم كوميتەتىنىڭ بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىندا ازىرلەنگەن كوروناۆيرۋس ينفەكتسياسىنا قارسى QazCovid-in ۆاكتسيناسىن كلينيكالىق زەرتتەۋ باستالدى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
ۆاكتسينانى كلينيكالىق زەرتتەۋ 18-50 جاس ارالىعىنداعى دەنى ساۋ ەرەسەك ەرىكتىلەر اراسىندا جۇرگىزىلەدى. ۆاكتسينانىڭ قاۋىپسىزدىگىن انىقتاۋعا باعىتتالعان زەرتتەۋدىڭ I فازاسىنا كوروناۆيرۋسپەن اۋىرماعان جانە انتيدەنەلەرى جوق 44 ەرىكتى قاتىسادى. يممۋنوگەندىلىكتى زەرتتەۋگە باعىتتالعان ەكىنشى فازادا 200 ەرىكتىنىڭ قاتىسۋى جوسپارلانىپ وتىر. بقپعزي-عا كلينيكالىق زەرتتەۋلەرگە قاتىسۋعا نيەت بىلدىرگەن ەرىكتىلەردەن 688 ءوتىنىش كەلىپ تۇسكەن. ءبىلىم جانە عىلىم ۆيتسە-ءمينيسترى ميراس داۋلەنوۆ cەنىم بىلدىرگەندەرگە العىس ايتتى.كلينيكالىق زەرتتەۋلەر قر دەنساۋلىق ساقتاۋ مينيسترلىگىنىڭ "ۇلتتىق فتيزيوپۋلمونولوگيا عىلىمي ورتالىعى" رمك جانە "سentre for Clinical Medicine and Research" جشس-دە وتەدى.