ءال-فارابي تۋرالى ۇزدىك ەسسە بايقاۋى جاريالاندى

نۇر-سۇلتان قالاسىنىڭ ءدىن ىستەرى ماسەلەلەرىن زەرتتەۋ ورتالىعى "قايىرىمدى قالا تۇرعىندارى" تاقىرىبىندا ۇزدىك ەسسە بايقاۋىنىڭ باستالعانىن جاريالادى. شارا ۇلى ويشىل ءابۋ ناسىر ءال-ءفارابيدىڭ 1150 جىلدىعى قارساڭىندا وتۋدە.

بايقاۋعا ەلوردالىق مەكتەپ وقۋشىلارى (8-11 سىنىپتار) جانە جوعارى وقۋ ورىندارى مەن كوللەدج ستۋدەنتتەرى قاتىسا الادى. قاتىسۋ تەگىن جانە ەرىكتى تۇردە. جۇمىستار مەملەكەتتىك جانە ورىس تىلدەرىندە قابىلدانادى. مەكتەپ وقۋشىلارى ءۇشىن ەسسە كولەمى كەمىندە 2 بەت, ال جوعارى وقۋ ورىندارى مەن كوللەدج ستۋدەنتتەرى ءۇشىن ا4 فورماتىندا كەم دەگەندە 3 بەت.

"قاتىسۋشىلار جۇمىستارىن وزدەرى تاڭداعان تاقىرىپ بويىنشا ۇسىنا الادى. مىسالى, ء"ال-ءفارابيدىڭ ءومىربايانى", " ۇلى ويشىلدىڭ رۋحاني مۇراسى", ء"ال-ءفارابيدىڭ عىلىمي جانە شىعارماشىلىق جۇمىستارى", ء"ال-ءفارابيدىڭ الەمدىك عىلىمعا قوسقان ۇلەسى", ء"ال-فارابي يدەيالارىنىڭ قازىرگى قوعام ءۇشىن وزەكتىلىگى". جۇمىستار 17-27 قىركۇيەك ارالىعىندا قابىلدانادى", دەلىنگەن حابارلامادا.

جۇمىستاردى باعالاۋ جانە جۇلدەلى ورىنداردى انىقتاۋ 27-29 قىركۇيەك ارالىعىندا, جەڭىمپازداردى ماراپاتتاۋ جانە سىيلىقتاردى ۇسىنۋ 29-30 قىركۇيەك ارالىعىندا وتەدى دەپ كۇتىلۋدە.

ءبىرىنشى ورىنعا سىيلىق - نوۋتبۋك, ەكىنشى ورىنعا - پلانشەت, ءۇشىنشى ورىنعا - سمارتفون.