وزبەكستاندا مۇعالىمدەردىڭ جاپپاي قاۋىپتى ىندەتتى جۇقتىرۋ سالدارىنان ورتا ءبىلىم وشاقتارى قايتا جابىلدى, دەپ حابارلايدى Egemen.kz
وزبەك اعايىنداردا اپتا باسىندا جاڭا وقۋ جىلى باستالعان ەدى. الايدا تاشكەنتتە ەكى مەكتەپ جابىلدى. سەبەبى مەكتەپتەردىڭ جۇمىسى باستالماي تۇرىپ, ءار وڭىردەگى ۇستازدار كوروناۆيرۋس ينفەكتسياسىنا تەست سىناماسىن تاپسىردى. بىراق ناتيجە قۋانتارلىق ەمەس. سىنامانىڭ قورىتىندىسى بويىنشا سامارقاندتا – 250, بۇقارادا – 200 جانە ءاندىجاندا 50-گە تارتا مۇعالىم ىندەتتى جۇقتىرىپ ۇلگەرگەن. وسىنىڭ سالدارىنان مەكتەپتەر قاشىقتان وقۋ فورماتىنا ءوتتى.
ايتا كەتەيىك, 6 ملن شاكىرتتىڭ جارتىسىنان جۋىعى قاشىقتان وقۋدى قۇپ كورگەن. سونىمەن بىرگە پاندەميا باستالعالى وزبەكستاندا كوروناۆيرۋس جۇقتىرعاندار سانى 49 مىڭنان اسىپ, ونىڭ 407-ءسى كوز جۇمدى.