وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين-بريفينگ بارىسىندا الماتى قالاسىنىڭ توتەنشە جاعدايلار جونىندەگى دەپارتامەنتى باسشىسىنىڭ ورىنباسارى, ازاماتتىق قورعانىس پولكوۆنيگى ارمان بايگەلوۆ جىلىتۋ ماۋسىمى الدىنداعى ءورت قاۋىپسىزىدىگى بارىسىمەن تانىستىردى, دەپ حابارلايدى Egemen.kz
بۇگىندە الماتى قالاسى بويىنشا قاتتى وتىنمەن جىلىتاتىن 1899 تۇرعىن ءۇي بار, ولاردىڭ 605-ءى حالىقتىڭ الەۋمەتتىك جاعىنان وسال توپتارىنىڭ باسپانالارى. ارمان بايگەلوۆ جىلىتۋ ماۋسىمىندا توتەنشە جاعدايلاردى بولدىرماۋ ماقساتىندا الماتى قالاسىنىڭ توتەنشە جاعدايلار جونىندەگى دەپارتامەنتى الدىن الۋ شارالارىن جۇرگىزىپ, ءورتتىڭ الدىن الۋ كومەگىنە مۇقتاج الەۋمەتتىك جاعىنان وسال توپقا جاتاتىن 945 ءۇي جەكە توپقا بولىنگەندىگىن اتاپ ءوتتى.
"بۇگىنگى تاڭدا دەپارتامەنت جەرگىلىكتى پوليتسيا قىزمەتى جانە اكىمدىك قىزمەتكەرلەرىمەن بىرلەسىپ, الەۋمەتتىك وسال توپقا جاتاتىن 945 ءۇيدى تەكسەردى. جەرگىلىكتى اتقارۋشى ورگانداردىڭ قولداۋىمەن ۋلى گازدى انىقتايتىن 40 داتچيك ساتىپ الىنىپ, ورناتىلدى. داتچيكتار الەۋمەتتىك وسال جانە جاعدايى تومەن توپتاعى ازاماتتادىڭ ۇيلەرىنە ورناتىلۋدا", دەپ حابارلادى ارمان بايگەلوۆ.
سوڭعى ءۇش جىل ىشىندە بارلىعى 1181 داتچيك ورناتىلدى. ءورت قاۋىپسىزدىگى ەرەجەلەرىن ساقتاۋ تۋرالى 3722 جادىناما تاراتىلىپ, بۇرىن ورناتىلعان داتچيكتەردىڭ جۇمىسقا جارامدىلىعى جانە ولارعا تەحنيكالىق جارامدىلىعى تەكسەرىلدى.