تۇركىستان وبلىسى كەنتاۋ قالاسىندا بىلتىردان باستاپ سالىنىپ جاتقان 60 پاتەرلى 10 تۇرعىن ءۇيدىڭ قۇرىلىس-مونتاج جۇمىستارى اياقتالۋعا تاياۋ. باسپانا كىلتتەرى مۇمكىندىگى شەكتەۋلى جاندار, كوپبالالى وتباسىلار مەن ءتۇرلى ساناتتار بويىنشا كەزەكتە تۇرعان تۇرعىندارعا جىل سوڭىنا دەيىن قالانىڭ 65 جىلدىق مەرەيتويىنا وراي تابىستالاتىن بولادى.
«جالپى سانى 600 پاتەرى بار ۇيلەردىڭ ايماعى 33240 شارشى مەتردى قۇرايدى. تۇرعىن ۇيلەردىڭ اۋلالارى اباتتاندىرىلىپ, بالالار ويىن الاڭشالارىمەن تۇرعىندارعا ارنالعان دەمالىس ورىندارىمەن قامتىلاتىن بولادى», دەيدى كەنتاۋ قالالىق قۇرىلىس ءبولىمىنىڭ باسشىسى ەرلان الدىباەۆ. قالادا سونىمەن قاتار 5 قاباتتى 25 پاتەردەن تۇراتىن 96 تۇرعىن ءۇيدىڭ جوبالاۋ سمەتالىق قۇجاتتاماسى ازىرلەنگەن. قۇرىلىس جۇمىستارى كەلەسى جىلى باستالادى. جالپى اۋماعى 151368 شارشى مەتردى قۇرايتىن ۇيلەر 15 شاعىن اۋداندا بوي كوتەرەدى.