ەلورداداعى توتەنشە جاعدايلار دەپارتامەنتى تەرەزەلەردى اشىق قالدىرماۋعا, بالالاردى تەرەزە الدىنا شىعارماۋعا, سونداي-اق مۇمكىندىگىنشە شەكتەۋ ورناتۋعا كەڭەس بەرەدى, دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.
نۇر-سۇلتان قالاسى توتەنشە جاعدايلار دەپارتامەنتى باسقارماسىنىڭ باسشىسى ەركىن وتارعالىم ۇلى بريفينگتە بالالاردىڭ قاۋىپسىزدىگىن مۇقيات باقىلاۋعا شاقىردى. سۋداعى وقيعالار مەن ءورت قاۋپى سياقتى فاكتورلارمەن قاتار, ۇيلەردەگى اشىق تەرەزەلەر دە بالاعا قاۋىپ توندىرەدى. 2018 جىلدان باستاپ ەلوردادا تەرەزەدەن قۇلاۋ سالدارىنان 70 بالا زارداپ شەكتى. وسى جىلدىڭ باسىنان بەرى وسىنداي 28 جاعداي تىركەلگەن.
"2 جاستان 7 جاسقا دەيىنگى بالالاردىڭ تەرەزەدەن قۇلاۋى وتە ءجيى كەزدەسەدى. بۇل جىل سايىن قايتالانىپ كەلەدى. بالالاردىڭ قۇلاۋىنىڭ نەگىزگى سەبەبى - ولاردى اشىق تەرەزە جانىندا قاراۋسىز قالدىرۋ. بالا ءوز قىزىعۋشىلىعىنا بايلانىستى ۇيدە قاراۋسىز قالىپ, اۋلادا بالالاردىڭ ويناپ جۇرگەنىن ەستيدى جانە تەرەزەگە قاراي ۇمتىلادى", دەپ اتاپ ءوتتى ەركىن وتارعالىم ۇلى.
توتەنشە جاعدايلار دەپارتامەنتى بالالاردىڭ تەرەزەدەن قۇلاۋ قاۋپىن ازايتۋ ءۇشىن, اتا-انالارعا ەرەجەلەر ازىرلەدى. تجد بالالاردى اشىق تەرەزە جانىندا قاراۋسىز قالدىرماۋعا كەڭەس بەرەدى. بالا تەرەزەگە كوتەرىلە المايتىنداي ەتىپ جيھاز قويۋ كەرەك. ماسالاردىڭ تورى قۇلاۋدان قورعامايتىنىن ەستە ۇستاعان ءجون. بالانى ارنايى شەكتەگىشتەر مەن بەكىتكىشتەر عانا قورعاي الادى. سونىمەن قاتار, بالالارمەن اڭگىمەلەسۋ جانە تەرەزەدە ويىناۋ وتە قاۋىپتى ەكەنىن ءتۇسىندىرۋ ماڭىزدى.كوپ قاباتتى ۇيلەردە بيىكتىكتەن ەرەسەكتەر دە قۇلايدى. 2020 جىلدىڭ باسىنان بەرى ەلوردادا وسىنداي 14 جاعداي تىركەلگەن. قايعىلى وقيعالاردىڭ ءبىرى - 14 قىركۇيەكتە پاراپەت ارقىلى پاتەرىنە كىرگىسى كەلگەن تۇرعىن بولدى, بىراق التىنشى قاباتتان قۇلادى. العان جاراقاتتارىنىڭ ناتيجەسىندە ول قايتىس بولعان.
تجد قالادا توتەنشە جاعدايلاردىڭ الدىن الۋ بويىنشا مىندەتتەردى ورىنداۋعا دايىن ازاماتتىق قورعاۋ قىزمەتى تاۋلىگىنە 24 ساعات بويى جۇمىس ىستەيتىنىن ەسكە سالادى.
قيىن جاعدايدا ەلوردالىقتار 101 نەمەسە 112 نومىرلەرى بويىنشا كومەك سۇراي الادى.