تۇركىستان وبلىسى وتىرار اۋدانىندا ۇزاق جىلدار بويى توزىعى جەتكەن ۇيدە تۇرعان جالعىزباستى اناعا اۋداننىڭ ەرىكتى جاستارى باسپانا سالىپ بەردى, دەپ حابارلايدى Egemen.kz.
كوكساراي اۋىلىنىڭ تۇرعىنى ەسەنكۇل الىباەۆانىڭ جاعدايىمەن تانىسقان 1995 جىلى تۋعان اۋىل جاستارى بىرىگىپ, جاڭا باسپانانىڭ ىرگەتاسىن قۇيىپ بەرگەن. ءسويتىپ ەرىكتى جاستار قايىرىمدىلىق ەستافەتاسىن اۋىلداس اعا-ىنىلەرىنە جولداعان.
بۇل ەرەكشە باستاماعا ءۇن قوسقان 1982 مەن 1998 جىلعى اۋىل جاستارى قارجى جيناپ, كەيۋاناعا جاڭا باسپانا سالىپ بەردى. وسىلايشا ۇيىمشىل جاستار قامكوڭىل وتباسىعا قۋانىش سىيلادى.
ايتا كەتەلىك, بيىل وڭىردە جۇزەگە اسىرىلىپ جاتقان "قامقورلىق" باعدارلاماسى اياسىندا دەمەۋشىلەردىڭ كومەگىمەن وتىرار اۋدانىندا از قامتىلعان 10 وتباسى باسپانالى بولدى. سونداي-اق توزىعى جەتكەن ەكى باسپانا كۇردەلى جوندەۋدەن ءوتىپ, قايتا جاڭعىرتىلدى.